Лэмпард “Эвертон”даги омадли дебюти ҳақида фикр билдирди
06 фев 2022 09:30
Янгиликлар

Лэмпард “Эвертон”даги омадли дебюти ҳақида фикр билдирди

Англия Кубоги 1/16 финалида “Эвертон” 4:1 ҳисобида "Брентфорд"ни енгди ва бу Фрэнк Лэмпард учун янги жамоасидаги дебют ўйин бўлди.

“Мухлисларга қўллаб-қувватлаганлари учун фақат раҳмат айтаман. Илк кундан бери мени илиқ кутиб олган ишқибозлардан миннатдорман. Ўзгача туйғуни ҳис этдим. Буни эса ҳеч қачон ёддан чиқармайман.
Хотиржамликни сақлаган ҳолда чемпионатдаги муҳим ўйинга тайёрланишимиз лозим. Бугун оптимизм ва ишонч берадиган жиҳатларни кўрдим. “Эвертон” агрессив бўлиши, тезкор, барча тўплар учун курашиши зарур. Бугун шундай бўлди, ҳар доим шундай ҳам бўлиши керак”, дейди Лэмпард.

“Эвертон”ни олдинда АПЛ доирасида ўтадиган “Ньюкасл”га (8 феврал) қарши баҳс кутмоқда.

Ҳавола :

Манба : evertonfc.com

Янгиликларни Телеграмда ўқинг!

Рейтинг: +8