Шу муносабат билан "Сўғдиёна" жамоаси ҳужумчиси Шоҳруз Норхонов билан карантиндан кейинги футболга қайтишга оид фикрлари билан қизиқдик.
- Шохруз ака, узоқ танаффусдан сўнг Ўзбекистонда футбол қайтиш арафасида. Футболчиларнинг спорт формасини тилаб олишларига қанча вақт етади?
- Ҳамма кутаётган хабар чиқди. Албатта бундан жуда хурсандмиз, лекин гигиена қоидаларига риоя қилган ҳолда ишлаш зарур. Футболчилар ўз формаларини тиклаб олишига 2 ҳафта етади деб ўйлайман.
- Легионерлар қаерда? Агар ватанларига кетишган бўлишса қачон қайтишади?
- Легионерларимизнинг аксарияти клуб билан бирга. Уйига қайтиб кетган легионерлар агар Ўзбекистонга қайта олишмаса бу маҳаллий футболчиларга фойда бўлади деб ўйлайман.
- Янги қоидаларда ўйин давомида беш футболчини алмаштирилиш мумкин дея белгиланди. Ушбу ҳолатга муносабатингиз қандай?
- 5 нафар футболчини алмаштириш фойдали бўлади деб ўйлайман. Шу орқали футболчиларнинг жароҳат олишини олдини олиши мумкин.
- "Сўғдиёна" жамоаси айни вақтда 3-турдан сўнг 1 очко билан турнир жадвалида 13-поғонада...
- Ҳақиқатан ҳам 13-ўринда бўлганимиз ёмон ҳолат. Бу фақат ҳозирча, олдинда ўйинлар кўп. Албатта кейинчалик жамоа юқори ўринлар учун курашади.
Оғабек Самисов суҳбатлашди
