"Лас-Пальмас" Фабрегасга таклиф билан чиқди

Манбага кўра, испан клуби президенти Мигель Анхель Рамирес 35 ёшли ярим ҳимоячи билан трансфер имкониятини муҳокама қилган. Бироқ Рамирес "Монако" собиқ футболчисини жамоага ўтишга кўндира олмади.

Испаниялик ярим ҳимоячи 2019 йилнинг январидан бери "Монако"да тўп тепарди. Ўтган мавсум Фабрегас Франция чемпионатининг иккита ўйинида қатнашиб, бирорта гол ура олмаган. Ҳужумчи монегасклар сафида жами 68 та ўйин ўтказиб, 4 та гол урган ва 9 та голли узатмани амалга оширган. Испаниялик футболчи 18 июнь куни француз клубини тарк этди.