"Ланс" ҳимоячиси Массадио Айдара: "Ҳусанов жамоага кутилганидан тезроқ мослашяпти"

Малилик 31 ёшли ҳимоячи ўзи билан бир чизиқда тўп тепадиган ўзбекистонлик ҳамкасбини мақтади.

"Ҳусанов жуда яхши ўйинчи, яккакурашларда ишончли ҳаракат қилмоқда. У ёш, лекин кўрсатаётган ўйинидан унинг ёш эканлигини ҳам унутиб қўямиз. Абдуқодир муваффақиятга эришиш учун барча имкониятларга эга. У жиддий йигит, шу билан бирга, бошқаларни тинглашни билади ва ҳар доим майдонда борини беради. Ўз навбатида биз уни имкон қадар қўллаб-қувватлашга ҳаракат қиламиз. Унга маслаҳат беришга ҳаракат қиламиз. Даставвал у мулоқот қилиш борасида қийинчиликларга учради, аммо футболнинг ўз тили бор, биз шу орқали мулоқот қиламиз ва у кутилганидан тезроқ мослаша бошлайди", — деди Айдара.

Эслатиб ўтамиз, бугун "Ланс" Европа лигаси 1/16 финал доирасида "Фрайбург" меҳмони бўлади. Учрашув Тошкент вақти билан соат 22:45 да старт олади.