ЛаЛига жамоаси футболчиларининг бутса ва қўлқопларини ўғирлаб кетишди. Машғулот бекор қилинди

Жума куни Мадрид клуби Ла Лига доирасида "Хетафе"ни (1:0) мағлуб этди ва икки кун дам олиш имкониятига эга бўлди.  

Жамоа душанба куни эрталаб машғулот базасида йиғилиши керак эди.  

Бироқ, As нашри Unión Rayo’га таяниб хабар беришича, ҳеч ким белгиланган вақтда майдонга чиқмаган. Маълум бўлишича, машғулотнинг бекор қилинишига дам олиш кунлари содир бўлган бутса, қўлқоп ва бошқа инвентарларнинг ўғирланиши сабаб бўлган. Маълумотларга кўра, "Райо Вальекано" машғулот базасида спорт кийимлари, жумладан, ўйинчиларнинг кўплаб бутсалари ўғирлангани туфайли биринчи жамоа машғулотлари тўхтатилган.  

Қайд этилишича, бу каби ҳодиса биринчи марта содир бўлаётгани йўқ. Ўйинчилар клуб президенти Рауль Мартин Пресага мурожаат қилиб, муаммони ҳал қилиш чораларини кўришни сўрашган.