UZ

Сўнгги янгиликлар

14:08Шенсни "Юве"да қолиши учун маоши камайишига рози бўлиши керак  0 13:40Гризманн қайтди  1 13:21Дилмурод Назаров хотирасига бағишланган "Наврўз Кубоги-2024" мусобақаси қандай ўтди?  0 13:09"Бавария" "Штутгарт" вингерига кўз тикди  0 12:46"Манчестер Юнайтед" Каземирога ўринбосар топди  2 12:20Эшитдик-да! ФИФА "Бунёдкор"га илк санкцияни қўллади  13 11:48Клоппнинг ассистенти "Аякс" бош мураббийига айланиши мумкин  0 11:24Ўзбекистон – Гонконг учрашувида майдонга югуриб тушган мухлислар маъмурий жавобгарликка тортилди, 2 нафар шахс 5 суткага қамалди  19 10:57Пеп Гвардиола «Манчестер Сити»даги келажаги борасида бир қарорга келди  4 10:28«Бавария» Алонсони қўлга кирита олмаганидан сўнг бошқа бир топ мураббий билан шартнома тузмоқчи  1 10:00ЦСКА устози РПЛнинг энг кучли футболчиси кимлигини айтди  8 09:3410 ойга четлатилган Тонали яна узоқ муддатга дисквалификация қилиниши мумкин  3 09:10«РБ Лейпциг» грандлар қизиқаётган футболчига нарх қўйди  1 08:47Златан рамзий термасини тузди ва ўзини қўшмади. Нега қўшмаганини эса Ибра супер тарзда тушунтириб берди  12 08:25Фабрицио Романо Хаби Алонсонинг келажагини очиқлади  4

Ла Лига. Левандовскининг голи "Барселона"га "Мальорка" устидан ғалабани тақдим этди Янгиликлар

Ла Лига. Левандовскининг голи "Барселона"га "Мальорка" устидан ғалабани тақдим этди

Ла Лиганинг 7-тури доирасидаги "Мальорка" — "Барселона" баҳси якунланди.

Мальорка – Барселона 0:1

2 октябрь, 00.00, "Сон Моиш"

Гол: 0:1 – 20 Левандовски.

Мальорка – Райкович, Маффео, Раильо, Вальент, Копете, Коста (Куфре, 77), Санчес (Дани Родригес, 67), Ли Кан Ин, Руис де Галаррета (Лаго Джуниор, 85), Баба, Мурики.

Барселона – тер Стеген, Бальде, Пике, Кристенсен, Альба (Серджи Роберто, 80), Бускетс, Кессиэ (Педри, 67), Гави, Левандовски, Дембеле (Ферран Торрес, 80), Фати (Рафинья, 67).

Огоҳлантиришлар: Кристенсен (39), Пике (40), Коста (42), Кессиэ (45), Бускетс (74), Вальент (83).


МАТНЛИ ТРАНСЛЯЦИЯ

ЯНГИЛАШ

УЧРАШУВ ЯКУНЛАНДИ!

90. Иккинчи бўлимга "йигит баҳоси"даги дақиқа қўшиб берилди.

89. Лиииииииииииииииии... унинг зарбаси дарвоза тўсини ёнидан ўтиб кетди.

85. Ўйин темпи одамни бироз эснашга мажбур қилмоқда.

80. Альба ва Дембеле ўрнига Роберто ва Торрес майдонга туширилди.

75. Бускетс ҳам ҳимоядаги шерикларидан нима камим бор дея ўз ҳисобига сариқ карточка ёздириб қўйди.

72. Альба, йўллади зарба.

68. "Мальорка" посбони Левандовскини алдади, уни ҳам "Олтин тўп"га номзодлар қаторига қўшса бўлар.

67. "Барселона" таркибида ўзгаришлар: Кессиэ ўрнига Педри, Фати ўрнига Рафинья майдонга туширилди. Рақиб жамоада ҳам ўзгаришлар юз берди.

63. Фати тўпни тўхтатишда шахматдан тўғри стадионга келган болакайга ўхшаш ҳаракат амалга оширди.

61. Кессиэ зарбаси билан рақиб посбонини ўтирғизиб қўйди, аммо Райкович ёнбошлаб олганда ҳам, тўп дарвоза тўридан ўрин олмасди.

55. "Мальорка" футболчиси тўпни қайтариш чоғида ҳакамнинг нозик қисмига зарба йўллади. Жамоа ютқазаётган бўлса, ҳакамда нима айб?

53. Йигит кишини икки нарса йиқитиши мумкин: биринчиси йўқчилик, иккинчиси Гави.

50. Мурики қанодан узатилган тўпни бош билан дарвоза томон йўллади, Тер Стеген эса тўпни эсон-омон майдон ташқарисига кузатиб қўйди.

46. Иккинчи бўлим бошланди.

Биринчи бўлим тезроқ якунланмаганида, ўйинчиларнинг ярми ҳакам чўнтагида турган "Барселона" либоси рангидаги эсдалик нишони билан тақдирланарди.

45. Кессиэнинг меҳнатлари ҳам муносиб мукофотланди. У ҳам Испанияда хизмат кўрсатган сариқ карточка соҳибига айланди.

42. Автомобиль, уйларнинг нархи ошмоқда, лекин карточка олиш сувтекин. Навбат Костага етиб келди.

41. "Барселона" ёрдамчи мураббийи халқ оғзаки ижодиётидан сўзлагани учун ҳакам томонидан четлатилди.

40. Пике ҳам ушбу видеоўйинда ҳимоядаги жамоадошига шерик бўлган экан, ҳакам уни ҳам "сийлади".

38. Кристенсен "Мортал Комбат" видеоўйинини майдонда татбиқ қилиб кўрди, бунинг оқибатида ҳакам томонидан огоҳлантирилди.

35. Коста 4-5 метр масофадан ҳам гол уролмаслик диссертациясини ёқлади.

32. Левандовскининг бош билан йўллаган зарбаси рақиб футболчисига тегиб, майдонни тарк этди. Ҳакам эса бу вазиятни кўрмай қолди.

30. Гави кураш тушганда курагини ерга текказиш қийин бўлган рақибини футбол баҳсида йиқита олди.

26. Фати жирафанинг ҳам бўйи етмайдиган нуқтага зарба йўллади, аксига олиб, футболчи майдондан ичкаридаю, ўйиндан ташқарида қолиб кетди.

23. Левандовски дублни расмийлаштириши учун рақиб посбони "Оппоғой" эртагидаги етти қаҳрамондан бири каби бўй-бастга эга бўлиши лозим эди.

20. ГООООООООООООЛЛЛЛЛЛЛЛЛЛЛ!!! Фатидан тўпни қабул қилиб олган польшалик ҳужумчи тўпни айлантириб-ўргилтириб, дарвозанинг олис бурчагига жойлаб қўйди.


15. Дембеленинг зарбаси голга айланиши учун тўп фитнес залидаги тош оғирлигида бўлиши лозим бўларди. 

13. Дембеле Левандовскини бирга-бир вазиятга чиқармоқчи бўлди, аммо ҳақиқий биринчи рақамли либос соҳиби тўпни эгаллаб олди.

11. Ли Кан Ин "Барселона" футболчиларини қўрқинчли ҳикоя эшитгандака ҳолатга солиб қўйди. Бурчак зарбаси.

9. "Мальорка"нинг икки футболчиси бир-бирини йиқитди.

5. Ўзбекистонда бўлиб ўтган U-23 Осиё кубогида иштирок этган Ли Кан Ин бурчак зарбаси ишлаб олди.

4. Гавининг зарбаси "Қарғалар учса қарайлик" қўшиғини айтса бўладиган тарзда амалга оширилди. 

3. Альба фақатгина мезбонларни қувонтирадиган узатма амалга оширди.

1. Биринчи бўлиб тўпга мезбонлар тегинишди. Ўйин бошланди.


Бугун мезбонлар қизил, меҳмонлар эса тўқ сариқ рангли либосда телеэкранларда намоён бўлади.

Ассалому алайкум қадрли футбол ишқибозлари! Устоз ва мураббийлар кунида Испаниянинг икки устози бир-бирига "сюрприз" ҳозирлашга ҳаракат қилиб кўради. Эртага ҳам бемалол будилникларимизга дам берсак бўлади, шу боис бироз уйқунгиздан воз кечишга арзирли ўйин гувоҳига айланамиз.

Рейтинг: +11   

Фикрлар

championat.asia
< сўнгги янгиликларни кўриш
Яндекс.Метрика