UZ

Сўнгги янгиликлар

09:26Стерлинг: "Клуб билан соврин катта иш. Аммо Англиядаги ғалаба асосий ютуғим бўлади"  0 09:13Бугун Тошкентда Осиё чемпионлар лигаси старт олади: бизни иккита ўйин кутмоқда  8 09:09Olamsport: "Бектемир нокаут эвазига ғалаба қозонади деб ўйлагандим", "Эҳтиёт бўл. Хасбулла сени янчиб ташлайди!"  0 08:52Евро-2020. Гуруҳ босқичида энг кўп югурган футболчи номи аниқ бўлди  1 08:40Америка Кубоги-2021. Чили - Парагвай 0-2  0 08:35Америка Кубоги-2021. Боливия - Уругвай 0-2  0 08:30Суперлигада 11-тур старт олмоқда: бугун иккита ўйин бор   5 08:13Собиқ футболчи плей-офф ҳақида: "Англияни футбол гиганти кутиб турибди"  2 07:53Франциялик футболчида жароҳат. Аммо у охиригача ўйнамоқчи  0 07:30Инсайдер: "Ювентус" Шомуродов масаласида "Женоа" билан боғланди  31 07:16Америка Кубоги-2021. Уругвай Боливияни мағлуб этиб, плей-офф босқичига чиқди  0 00:55Марсело "Реал"да қоладиган бўлди  1 00:30Канчельскис Ўруновга мос келадиган жамоаларни айтди  31 00:13Эшпириту Санту "Тоттенхэм" вакиллари билан учрашди  1 23:59Клопп Вейналдумнинг ўрнига бошқа футболчи топиб қўйди  1

Ла Лигада қайси жамоа чемпион бўлади? Янгиликлар

Ла Лигада қайси жамоа чемпион бўлади?

Championat.asia ходимлари Испания чемпионатида ўзлари мухлислик қиладиган клублар чемпион бўлишини кутишмоқда.

Хайрулла Холиқов тахмини: "Барселона"

Тахминимча, Ла Лига учун ғолиблик бу сафар "Барса"га насиб этади. Негаки "Барса"нинг тақвими чемпионлик учун курашаётган бошқа уч клубга нисбатан бирмунча қулай.

Каталонияликларни бугун жадвал пешқадами "Атлетико"га қарши баҳс кутмоқда. Агар "Барса" бу учрашувни ўз фойдасига ҳал этса, чемпионлик сари жуда катта қадам ташлаган бўлади. Мободо ютқазиб қўйса ёки дуранг ўйнаган тақдирда ҳам имконият барибир сақланиб қолади.

"Барселона" Испания чемпионатининг охирги тўртта ўйиндан учтасида ғалаба қозонди ва фақат кутилмаганда "Гранада"га ютқазиб қўйди. Лекин ўтган тур бош мураббийсиз ҳам "Валенсия" катта иштиёқ эвазига мағлуб этилгани таҳсинга лойиқ. Ҳозир жамоани битта рельсга тушиб олган деса бўлади. 

"Барселона" бугунги баҳсни ўтказиб олгач, келаси тур сафарда "Леванте" меҳмони бўлади, сўнгра ўз майдонида "Сельта"ни қабул қилиб, охирги турни яна меҳмонда "Эйбар"га қарши ўтказади. Чемпион бўлиш учун бундан осон тақвим бормикин? Кўриниб турибдики, кўп нарса бугунги ўйинга боғлиқ.

P.S. "Атлетико"нинг ҳали "Реал Сосьедад", "Осасуна", "Вальядолид", "Реал"нинг эса "Севилья", "Атлетик Бильбао" ва "Вильярреал" каби жамоалар билан қийин ўйинлари бор.

Алишер Остонов тахмини: "Атлетико"

Менимча жорий мавсум якунида "Атлетико" барибир узоқ кутилган чемпионликни тантана қилади.

Катта эҳтимол билан бугунги ўйин "Атлетико"нинг чемпион бўлиш ёки бўлмаслигини ҳал қилади. Бугун Мадрид клуби учун дуранг натижа ҳам фожеа бўлмайди деб ҳисоблайман. Сабаби Симеоне шогирдлари қолган уч ўйин ("Реал Сосьедад", "Осасуна" ва "Вальядолид")ни ортиқча қийинчиликларсиз ютишади деб ўйлайман.

"Реал"ни эса жиддий 4 рақиб кутиб турибди. Улар Европа Лигаси қироли ва жорий мавсумда Ла Лига ғолиблигига даъвогар бўлган "Севилья", "Барселона"ни "Камп Ноу"да мағлуб этган "Гранада", Марселиньо бошчилигида ажойиб ўйинлар намойиш этаётган "Атлетик" ва Европа Лигасининг амалдаги финалчиси "Вильярреал". Шахсан мен "қироллик клуби"нинг бу ўйинларнинг барчасида уч очко олишига ишонмайман. Бундан ташқари, "Реал" етакчиларининг бир нечтаси, жумладан Рафаэль Варан ва Серхио Рамос каби ўйинчиларда муаммолар бор.

"Барселона" "Атлетико"га қарши Ла Лига доирасидаги сўнгги 21 ўйиннинг атиги 1тасида мағлуб бўлган (14 ғалаба ва 6 дуранг). Мана шу статистика ҳам бугунги ўйинда ким фаворит эканлигини кўрсатиб турибди. Аммо, Симеоне мавсум давомидаги гегемонлигини осонликча бериб қўймайди. Олдинги ўйинда сенсацион тарзда Барселонада мағлуб бўлган "кўк-анорранглилар" "Атлетико"га биринчи даврада Янник-Феррейра Каррасконинг ажойиб голи эвазига мағлуб бўлишган эди. Умумий олганда "Барса" ўтган йили "матрасчилар" билан учта ўйин ўтказган, каталонияликлар улардан иккитасида мағлуб бўлишган ва битта дуранг қайд этишга эришишган. Аммо, рақиб таркибида "Атлетико"ни "севадиган" футбол қироли Лионель Месси ўйнайди. "Атлетико" аргентиналикнинг энг кўп гол урган жамоалари орасида 2-ўрин ("Севилья"дан сўнг)да туради.

Бугунги ўйинда ҳақиқий жангни кўрамиз. Ла Лиганинг қайноқ якунидан ҳузур олинг!

Омонжон Тўхтамирзаев тахмини: "Реал Мадрид"

Менимча, Ла Лига ушбу мавсумида Мадриднинг "Реал" клуби ғолибликни қўлга киритади. 

Хабарингиз бор, бугун Каталонияда "Барселона" - "Атлетико Мадрид" учрашуви бўлиб ўтади ва ушбу учрашувда катта эҳтимол "Реал" ғолиб бўлади. Тақдир хазилини қарангки, 33-турда "Гранада"га ютқазиб қўйган ва чемпионликдан умидини узмаган "Барселона" ўз мақсади йўлида ғалаба қозониши зарур. Аммо агар "кўк-анорранглилар" ютса-ю, уёқда "Реал" очко йўқотмаса, Куман шогирдлари азалий рақиби чемпионлигига каттагина ҳисса қўшган бўлиб қоладилар.

Эртага эса (бугунги ўйин натижасини билиб) "финалларни" қандай ютишни биладиган "Мадрид" уйида "Севилья"ни қабул қилади. Тўғри, "Севилья" кучли рақиб ва ёмон спорт формасида эмас. Бироқ жамоа ўтган турда "Атлетик" Бильбаога ютқазиб қўйди ва эҳтимолий чемпионликдан амалда қуруқ қолди. Айтмоқчиманки, агар ўша ўйиндан аввалги ҳолат, имконияти сақланиб қолганида андалусияликлар ҳам майдонда борини берарди. Энди эса, вазиятга реал қарайдиган бўлсак, на 3-поғонага чиқа олади ва на 4-ўрнидан тушиб кетади. Иштиёқ битта/иккита ўйинлик тўқнашувларда жуда катта аҳамият касб этади. 

Тўғри, куни-кеча "Реал" ЕЧЛ ярим финалида "Челси"га очиқчасига ютқазди ва бир нарсани алоҳида эътироф этмоқчиман, ўша куни Зизу шогирдлари охирги дақиқаларда шунчаки чарчаб қолишди. Нормал спорт формасидаги Серхио Рамос елкама-елка курашда Кай Хаверцга имкониятни бой беришини бошқа қандай изоҳлаш мумкин? Бунга нима сабаблигини ҳамма билиб, тушуниб турибди. Бу мавсум "Реал" жароҳатлар сабаб (55+) амалда бирор марта оптимал таркибда ўйнолмади. Лекин футболчилари имкониятларидан максимал равишда фойдаланган Зидан мавсумни совринсиз тугатишни истамаслиги аниқ. 

Зинедин Зидан қўл остида "Реал" катта учрашувларда қандай ўйнашни билиши ҳеч кимга сир эмас. Ўта оғир ўтган, таркиб билан катта муаммолар бўлган шу мавсумда ҳам "Реал" (ўша эслаганимиз, "Челси"га қарши ўйинларни инобатга олмаса) катта ўйинларда мағлуб бўлмади. Айнан шу факт сабабли ҳам очколар мабодо тенг бўлиб қолса, "Реал" "Атлетико"дан ҳам, "Барса"дан ҳам тепароқда бўлади. Мусобақа жадвали ва умуман чемпионлик учун кечаётган бундай курашда, бу сезиларли устунлик. 

Тўғри, "Реал Мадрид" кейинги турларда ҳали "Атлетик Бильбао" ва Европа Лигаси финалига чиққан "Вильярреал" билан ҳам куч синашади. Аммо кутилмаган тактик ўзгаришлар ва ротациядан унумли фойдаланишни биладиган Зидан бир амаллашига ишонса бўлади. 

P.S. Шу турда ("Атлетико" очко йўқотиб) "Реал" уч очкони қўлга киритса, уёғига ўзининг қийин рақиблари ёки "Барселона"нинг осон тақвими амалда ўз аҳамиятини йўқотади.

Фахриддин Рўзиев: "Севилья"

Андалусияликларда ҳам чемпион бўлиш имконияти йўқ эмас. Фақат бунинг учун юқоридаги учликнинг келишилган ўйинларда иштироки аниқланиши ва уларнинг ҳар биридан 30 очко олиб ташланиши керак. Ёки уччала клуб ҳам бирдан банкрот ҳолатини эълон қилиши керак. Акс ҳолда, "Севилья" нафақат бу йил, келаси йил ҳам чемпионликдан умид қилмаса бўлаверади.

Ла Лига турнир жадвали

Рейтинг: +2   

Фикрлар

+4   
08 май 18:39:47
Алишер Ашуров
Пахтажон суперлигада хакамларсиз кандай чемпион булади ким билади булармикан
+2   
08 май 20:04:48
Baxtiyor MYu
Алишер Ашуров фойдаланувчининг фикрига жавоб бериш
Пахтажон суперлигада хакамларсиз кандай чемпион булади ким билади булармикан
Пахтакорни клуби акциялари тўлиқ «ЎФА хакамлар қўмитаси»га ўтибди
+2   
08 май 19:05:24
Nasaf..RMA..MYU..JUV
Real agar shu taqvimdan ham yahshi chiqib chenpion bulsa tan olib chenpionlikni tan olasizlarmi. Hala Madrid.
+2   
08 май 18:55:40
Амир Олимхон
Реал будади бу 100% аникку
+2   
08 май 18:48:58
CH E L S E A
Realdi qöllab quvvatleymiz...
+1   
08 май 22:25:30
Farhod Yusupov
Faxriddin Ro'ziyev nima degan kimdir tushundimi
+1   
08 май 22:25:30
Farhod Yusupov
Faxriddin Ro'ziyev nima degan kimdir tushundimi
+1   
08 май 20:44:51
Dostonsher Yuldashov
Faxriddin ro'ziyev digan bola xamma Ali disa bu bola o'zinikini xaq qilib vali dib turadigan bola ekan.o'zidan mourinio yasab olgan o'zicha. Boshqa maqolalaridan xam bilsa boladi buni
+1   
08 май 18:53:43
Qayta Uyg'onayotgan klublar
Фахри.Рузиев Реални мухлиси-ку,нимага .Севильяни айтибдия
+1   
08 май 18:49:26
bekhzodsaidov
Алишер Ашуров фойдаланувчининг фикрига жавоб бериш
Пахтажон суперлигада хакамларсиз кандай чемпион булади ким билади булармикан
Aka man Nasaf muxlisiman. Nasafga jarima qo'llanilganidan man ham hafaman. Ichki chempionatda Paxtakorni jinim suymaydi. Lekin bo'ldida endi. Hamma xabarga paxta paxta deb rosa chaynadila. Odam bir yozafi ikki yozadi hamma xabarg yozilmaydida. Erkak kishi mayda gap bo'lishi kerakmas.
+1   
08 май 18:46:24
bekhzodsaidov
Xullas barchasini vaqt ko'rsatadi. Ertangi kunga Hudo poshsho
   
09 май 00:37:50
Жандос Нурманов
Farhod Yusupov фойдаланувчининг фикрига жавоб бериш
Faxriddin Ro'ziyev nima degan kimdir tushundimi
Биз тугул озихам тушунмай колди нима деганини )))))
   
08 май 20:07:00
Baxtiyor MYu
Алишер Ашуров фойдаланувчининг фикрига жавоб бериш
Пахтажон суперлигада хакамларсиз кандай чемпион булади ким билади булармикан
Пахтакор клуби акциялари тўлиқ «ЎФА хакамлар департаменти»га ўтибди. Эндиям чемпион бўлаверади
   
08 май 18:49:14
Abdurauf KHALILOV
Qolgan oyinlarni Real xam Barsa xam galaba qozonsa Real chempion boladi
-2   
08 май 18:38:02
Руйхатдан утиш
ИНШААЛЛАХ БАРСЕЛОНА ЧЕМПИОН БУЛАДИ, ЙУКСА атм)) реалга ЗАМБАРАКНИ УКИ ПАК))
championat.asia
< сўнгги янгиликларни кўриш
Яндекс.Метрика