Куртуа жамоадошларига ёзда “Реал”га ўтишини айтди

Marca нашри тарқатган хабарга кўра, дарвозабон аллақачон клубдаги ҳамкасбларига ушбу мавсум якунига кўра Мадридга кўчиб ўтиши ҳақида гапириб ўтган.

“Қироллик клуби” “Челси” билан ушбу трансфер борасида музокараларни бошлаган. Аммо “кўклар” хўжайини Роман Абрамович белгиялик посбони осонликча қўйиб юбормоқчи эмас.

Ушбу мавсумда 24 ёшли Куртуа  жамоаси иштирок этаётган барча турнирларда 17 та учрашувда майдонга тушиб, 11 та гол ўтказди. 10 та беллашувда ўз дарвозаси дахлсизлигини сақлаб қолишга эришди.

Эслатиб ўтамиз, Англияга келишига қадар ушбу дарвозабон Мадриднинг “Атетико” клуби шарафини ҳимоя қилган.