Кучли ёнғин “Ростов Арена”га таъсир ўтказадими?
28 мар 2020 20:39
Янгиликлар

Кучли ёнғин “Ростов Арена”га таъсир ўтказадими?

Дон чап қирғоғида юзага келган ёнғин “Ростов Арена” стадиони томонга тарқалмайди.

Бу ҳақда Ростов-Дон маъмурияти матбуот хизмати хабар берди.

Бугун ўйингоҳдан узоқ бўлмаган ердаги қамишларнинг аланга олиши оқибатида ёнғин 700 квадрат метр майдонни қамраб олди.

“Стадион ишламоқда, Фавқулодда вазиятлар вазирлигининг машиналари бакни сув билан тўлдириш учун келишмоқда, чунки бу энг яқин нуқта ҳисобланади”, дея хабар қилган шаҳар ҳокимлиги.

Фавқулодда вазиятлар вазирлигининг маълумотига кўра, катта ёнғинни ўчиришга 104 киши ва 38та техника жалб қилинган. Вазирлик ҳам “Ростов Арена”га ҳеч қандай зарар етмаслигини тасдиқлади.

Ҳавола :

Манба : euro-football.ru

Янгиликларни Телеграмда ўқинг!

Рейтинг: +5