Кроос "Реал" мухлисларидан бир нарсани илтимос қилди
14 сен 2017 11:50
Янгиликлар

Кроос "Реал" мухлисларидан бир нарсани илтимос қилди

"Реал" ярим ҳимоячиси Тони Кроос "қаймоқранглилар" ишқибозларидан футболчиларга хуштак чалмасликни сўради.

АПОЭЛга қарши Чемпионлар лигаси гуруҳ босқичининг биринчи тур учрашувида (3:0) "Сантьяго Бернабеу"га келган мухлислар яна бир бор Гарет Бэйлга хуштак чалишди.

"Ҳеч нарсани эшитганим йўқ, бу трибуналарда содир бўлди. Аммо ҳар қандай ҳолатда футболчиларимизга хуштак чалиш нотўғри. Биз кураш учун бор кучимизни ишга солдик ва орамиздан ҳеч биримиз хуштакка муносиб эмасмиз. Аммо гап "Реал" ҳақида кетмоқда ва ишқибозлар ҳар футболчининг энг яхши ўйинини кўрмоқчи. Албатта, баъзилар шундай реакция қилиши мумкин, бироқ бу ҳеч кимга ёрдам бермайди" - дейди Кроос.

Ҳавола :

Манба : AS

Янгиликларни Телеграмда ўқинг!

Рейтинг: +12