Ковач "Бавария"га ғалаба калитини тақдим этаётган тактикадан воз кечмоқчи эмас

«Агарда биз яратилаётган вазиятлардан янада унумлироқ фойдаланишни бошласак, унда бу нарса мени янада бахтлироқ қилади. Айни пайтда мен футболчиларнинг машғулотлардаги иши ва майдонда кўрсатаётган ўйинидан мамнунман», - дея гап бошлади Нико Ковач.

Рафинья ҳақида: «ФИФА кунларидан сўнг футболчи майдонга қайтса жуда хурсанд бўлардим. Вазиятни чигаллаштирмаслик учун шошилмаймиз ва унинг ҳолати ўнгланишини кутамиз. Шундан сўнг унинг ҳолатига аниқ баҳо берамиз».

Хамес ҳақида: «Родригезни мақтамоқчиман. Хамес охирги ўйинларни жуда яхши савияда ўтказганини алоҳида эътироф этиш лозим. Биз муҳим ўйинларда унга ишонишимиз мумкинлигини Хамес исботлади. Унинг яхши жиҳатларидан бири шуки, Хамес доим керак вазиятда тезкор қарор қабул қилади».

Нико Ковач уч ҳимоячили тактик схема ҳақида: «Келажакда биз бу схемадан фойдаланишимиз мумкин. Аммо ҳозирча ғалаба келтираётган услуб ва схемани ўзгартирмоқчи эмасман».

Нико Ковач иккинчи ҳужумчи ҳақида: «Сандро Вагнер яқин ўйинларда албатта ўз имкониятини олади ва биз унга ўйин амалиёти учун вақт ажратамиз».