Коутиньо жароҳати боис "Бавария" сафида бошқа майдонга тушмаслиги мумкин

Mundo Deportivo хабарига кўра, 24 апрель куни операция қилинган бразилиялик ўнг оёғидаги жароҳати туфайли яна олти ҳафтани ўтказиб юборади. У тикланиш жараёнларини Мюнхенда давом эттиради.

Бундеслига 16 май кунидан яна давом этади. Агар Коутиньонинг тикланиш жараёни ижобий якун топса, Германия чемпионатининг сўнгги туридагина ўйнай олади.

Аввалроқ, ҳуқуқий жиҳатдан "Барселона"га тегишли футболчига "Ньюкасл", "Челси" ва "Лестер" қизиқиш билдираётгани маълум қилинганди. "Бавария" эса уни сотиб олишни режалаштирмаяпти.