Кореялик дарвозабон: "Яна пенальтилар серияси бўлганда, барчаси худди шундай тугарди"

Эслатиб ўтамиз, Осиё кубогининг икки кучли жамоалари ўртасидаги ўйин пенальтилар сериясигача борди ва унда Корея Республикаси ғалаба қозонди. Серияда иккита пенальтини қайтарган Корея Республикаси дарвозабони Жо Хён Ву бу ғалабага ўзига бўлган ишонч сабаб бўлганини айтди.

"Бунинг барчасига ишонч сабаб бўлди. Мураббий жамоага ишонч берди. У ўйиндан олдин ёнимизга келди ва ўз кучимизга ишонишимиз кераклигини таъкидлади. Айнан шу маслаҳатлар ўз самарасини берди. 

Пенальтилар сериясида ўзимга бўлган ишонч ўта юқори эди. Кейинги босқичга чиққанимиздан шунчаки бахтлимиз. 

Ўзига бўлган ишончга машғулотлар орқали эришилади. Биз жуда кўп вақтимизни пенальтилар сериясига тайёрланишга сарфладик. Сериядаги муваффақиятли ҳаракатларимда термамизнинг дарвозабонлар бўйича мураббийининг ҳиссаси катта. У ёнимга келди ва "Ўзингга ишон. Қандай қарор қабул қилишингдан қатъий назар, бу ишни ишонч билан бажар", деди. Мен айнан шундай қилдим. Яна пенальтилар серияси бўлганда, барчаси худди шундай тугарди", -дейди Жо Хён Ву.

Маълумот учун, Корея Республикаси Осиё кубоги чорак финалида Австралияга қарши баҳс олиб боради.