Korea Football News: Санжар Турсунов ва Лутфулла Тўраев К-Лигага ўтишади

Narzulla Saydullayev
3 янв 2014, 09:01
Ўзбекистон миллий терма жамоасининг икки ярим ҳимоячиси фаолиятини Жанубий Корея чемпионатида давом эттириши мумкин.
Корея футболини ёритиб борувчи KorFootballNews твиттери берган хабарга кўра Санжар Турсунов ва Лутфулла Тўраев К-Лигага ўтишади.

Уларнинг айнан қайси клублар ёки клуб сафига ўтиши борасида бошқа маълумот берилмаган.

Бунга қадар К-лигада Сервер Жепаров, Александр Гейнрих ва Темур Кападзе каби ҳамюртларимиз фаолият олиб боришганди.

Эслатиб ўтамиз, Санжар Турсунов айни пайтда Россия биринчи дивизионида иштирок этаётган "Газовик" клубига тегишли бўлса, Лутфулла Тўраев яқиндагина "Бунёдкор"дан "Локомотив"га кўчиб ўтганди.

Narzulla SaydullayevМуаллиф
Манба: championat.asia