UZ

Сўнгги янгиликлар

01:46"Фулхэм" стадион трибунасида очиқ бассейн қурмоқчи  0 01:29Абдуқодир Ҳусанов "Лилль" билан ўйинни ўтказиб юборади  1 00:52Италиялик жаҳон чемпиони Қозоғистонга ташриф буюрди  2 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  13 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  10 23:37БАА футбол федерацияси ёшини сохталаштирган 18 нафар мисрлик футболчини депортация қилди  2 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  1 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  32 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  25

Кўпроғини кутгандик. "Кетмони учмаган" Аднан Янузай ҳақида Янгиликлар

Кўпроғини кутгандик. "Кетмони учмаган" Аднан Янузай ҳақида

Ажойиб техника соҳиби, иқтидорли футболчи ва ажойиб кросслар амалга ошира оладиган бельгиялик тарихи.

"Манчестер Юнайтед"га кўчиб ўтиш Аднан Янузай фаолиятидаги ажойиб воқеалардан бири эди ва унинг фаолиятини буткул ўзгартириб юбориши кутилганди. Бироқ воқеалар ривожига ташқи омиллар таъсир кўрсатди ва узоқ ҳамда қийинчиликларга тўла йўлга улоқтирди.


2013/2014-йилги ёрқин мавсум

"Манчестер Юнайтед" сафида 2013 йил сентябрь ойида дебют учрашувини ўтказган ёш бельгиялик октябрь ойига келиб, мунтазам ўйин амалиётига эга бўла бошлади. Дэвид Мойес брюсселлик вингернинг ўйинидан ҳайратда эди. Асосий таркибдаги илк учрашувни ҳам кўп кутишга тўғри келмади. Мойес 2-3 марта захирадан майдонга қўшилган Аднанга навбатдаги ўйинда асосий таркибдан жой ажратди. Дебют бунданда омадли бўлиши қийин эди – асосий жамоа таркибидаги биринчи гол, ўйин давомида дублга айланди, у эса ўз навбатида "Юнайтед"га "Сандерленд" устидан иродали ғалабани тақдим этди.

Ҳа, узоқ давом этган мавсум давомида Аднан бошқа дубль қайд эта олмади, бундан ташқари умумий ҳисобда футболчи ўз ҳисобига бор йўғи 4 тадан гол ва ассист ёздириб қўйди. Мақтанишга арзимаса-да, АПЛдаги дебют мавсум учун ёмон эмас. 

Шунингдек, Аднан майдонда вазият яратувчи ва ҳужумчиларни тўп билан таъминловчи вазифасини бажарарди, якуний зарбани Робин ван Перси бериши керак эди.


Омадсизликка дуч келганда

Дэвид Мойес билан хайрлашишни ҳалигача "Манчестер Юнайтед" мухлисларининг бир қисми хато қарор деса, иккинчиси вазият тақозоси дейди. Нима бўлган тақдирда ҳам мураббийга чиқиш эшиги кўрсатилди. Мойеснинг ўрнини эгаллаган Луи ван Гаал ёш Янузайга шотландиялик мураббийчалик ишонч билдирмасди ва асосий урғуни тажрибали футболчиларга қаратди. 

Маълум вақт ўтиб, Дортмунднинг "Боруссия"сига ижара ҳам бельгияликка Дэвид Мойес тақдим этган ўйин амалиётини бермади. Мураббий ва футболчи бир-бирига етишмаётгандек тасаввур пайдо бўла бошлаган бир вазиятда уларнинг йўли "Сандерленд"да кесишди. Аднан яна етарлича ўйин амалиётига эга бўлса-да, "қора мушуклар"нинг умумий омадсизликлари фонида, Янузай ёрқин юлдуз бўла олмади – 25 ўйин 0 гол.


Фаолиятининг ҳозирги даври

2017 йил ёзида Аднан яна Англияни тарк этди, бу сафар Испаниянинг "Реал Сосьедад" клуби билан беш йилга мўлжалланган тўлақонли шартнома имзоланди. Ла Лигадаги дебют мавсумида бельгиялик майдонга 28 бор туширилди, уларнинг 18таси асосий таркибда.

Россияда ўтган охирги мундиалда Аднан Белгия термаси сафида фақат бир марта ўйинга қўшилди. Бу воқеа гуруҳнинг ҳал қилувчи ўйинида, Англияга қарши беллашувда, ҳеч ким биринчи ўринни эгаллагиси келмаётганда юз берди. Дэвид Мойес ёқимтойи, мураббий гаплари-ю, вазиятни унутиб қўйди чоғи. Ҳеч ким дарвозани ишғол қилгиси келмай ўйнаётган бир паллада беллашувдаги ягона голни уриб қўйди. Табиийки, Янузай турнирнинг қолган қисмини фақатгина ўриндиқдан томоша қилди.

Испаниялаги иккинчи мавсум омадли бўлиши мумкин эди, аммо барча режаларни жароҳатлар барбод қилди. Бу мавсум футболчи яна ўйин амалиётисиз қийналмоқда, лекин қишки танаффусдан кейин асосий таркибда бўлмаса-да, майдонга кўпроқ туша бошлаганди. 


Келжак режалари

Европада ички чемпионатлар тўхтатилишидан аввал "Реал Сосьедад" 4-поғонани эгаллаб турганди ва бу кўрсаткич Янузай жамоасига Чемпионлар Лигаси йўлланмасини тақдим этарди. Агар "кўк-ҳаворанглилар" якунда ҳам йўлланмани ўзларида сақлаб қола олсалар, Аднан жамадонини йиғиштиришга шошилмаслиги маъқул. Сабаби у клублар ўртасида минтақанинг энг нуфузли мусобақасида ўзи ҳақида яна барчага эслатиб қўйиш имконига эга бўлади. Асосийси бунга футболчининг асосий рақиби - жароҳатлар тўсқинлик қилмаса бўлгани...


Нозима Зарипова таржимаси

Рейтинг: +4   

Фикрлар

championat.asia
< сўнгги янгиликларни кўриш
Яндекс.Метрика