Конте: "Совринли ўринларга курашиш учун шунга мос футболчилар бўлиши керак"

- Бернардески ва Кулусевски "Лидс" билан ўйин натижасини ҳал қилишди. Улар бир йил олдин айнан шу мақсадда жамоага олиб келинганди. Жамоада энди улар ўз ролини топиб олишмоқда. Январь ойида "Тоттенхэм" қандай трансферларни режалаштирмоқда?

- Барчангиз яхши биласизки, совринлар учун курашишга, рақобатбардош бўлишга, соврин ютишга юқори даражали футболчилар керак. "Манчестер Сити", "Ливерпуль", "Челси" каби жамоалар бунга мисол бўла олади. Улар ростдан ҳам кучли жамоалар. Уларнинг таркиби юқори даражали футболчилардан тузилган.

Бир йил олдин биз 7-ўрин сабабли Конференциялар лигасида ўйнадик. Вақт керак. Сабр қилиб, трансферлар амалга ошириб, таркибни кучайтириб, сифатни кўтариш керак. Бугун биз Кулусевски ва Ришарлисон ўртасидаги тафовутни кўрдик.

Мураббий сифатида мен учун улар билан ишлаш муҳим. Родригонинг ўсиши ёки Хейбьергнинг яхшиланишини кўрасизми ёки йўқ, билмайман. Бироқ мен жамоада катта ривожланиш борлигини кўриб турибман. Футболчиларнинг даражасини ошириш учун вақт талаб қилинади. Биз Премьер-лига деб номланган катта рақобатга эга лигада совринли ўрини олмоқчимиз. Бунда футболчининг сифати жуда муҳим, - деди Конте.