Конте: “Кўплаб вазиятларни яратяпмиз, аммо кам гол уряпмиз”

“Ўйинда рақибдан ҳар жабҳада устунлик қилиб туриб, аранг мағлубиятдан қутулиб қоляпсанми, демак, бу вазиятда нимадир нотўғри амалга ошириляпти. Биз майдонда бироз тажовузкор ва “Парма” сигари натижага қараб ҳаракат қилишимиз лозим.  

Кўплаб голли вазиятларни яратаётганимиз – яхши ўйин кўрсатаётганимиздан далолат. Аммо муаммомиз жуда ҳам кам гол ураётганимиз. Гап ҳужумчилар ҳақида эмас, умуман ҳужумда иштирок этаётган барчага тааллуқли. Биз жуда ҳам юмшоқ ҳаракат қилдик ва энди навбатдаги дурангимизни муҳокама қиляпмиз”, дея Контенинг сўзларидан иқтибос келтирмоқда италиялик журналист Жанлука Ди Марцио.

“Интер” Италия А серияси турнир жадвалида 11 очко билан бешинчи поғонада бормоқда. “Парма” олти учрашувда 5 очко жамғариб, 15-ўринни эгаллаб турибди.