"Клуб ҳеч кимга керак эмаслигини кўриш мен учун оғриқли" — "Нефтчи" бош мураббийи
22 май 2024 19:33
Янгиликлар
"Клуб ҳеч кимга керак эмаслигини кўриш мен учун оғриқли" — "Нефтчи" бош мураббийи
"Нефтчи" бош мураббийи Виталий Левченко ижтимоий тармоқдаги саҳифасида мухлиснинг изоҳига жавоб сифатида сторис қолдирди.
Мухлис ва мураббий ўртасидаги суҳбат қуйидагича кўриниш олган:
Мухлис: "Ҳурматли мураббий, жамоамиз пастлаб бораётганини кўриш ачинарли. Юрагимиз тилкапора бўлди. Сиз ёмон ишлаяпсиз, масъулият йўқ".
Левченко: "Клуб ҳеч кимга керак эмаслигини кўриш мен учун оғриқли".
Айтиш мумкинки, аввалроқ жамоада молиявий муаммолар борлиги, кўплаб футболчиларга маошлари берилмагани ҳақида хабарлар тарқалганди. Эҳтимол, Виталий Левченко шу каби муаммолар ортидан ижтимоий тармоқ орқали дардини тўкиб солгандир.

Эслатиб ўтамиз, "Нефтчи" 8 турдан кейин 11 очко билан 6-ўринда бормоқда. Жамоа охирги турда Наманганда "Навбаҳор"га мағлуб бўлган эди (0:1). Левченко шогирдлари 9-турда ўз уйида Миржалол Қосимов қўл остидаги ОКМКни меҳмон қилади.
Ўхшаш янгиликлар
championat.asia
Роналду ММА-промоушен акциядорига айланди
Манба: Самвел Бабаян - "Андижон" бош мураббийи!
Суперлига. Голи инобатга олинмаган ва бир киши кам қолган "Пахтакор" "Навбаҳор" майдонида очко йўқотганига қарамай, мавсумни иккинчи ўринда якунлади
Туркия Суперлигаси. "Башакшехир" меҳмонда ғалабага эришди, Шомуродов ва Файзуллаев гол урди!
Фикрлар