Клопп ўша бурчак тўпини қай тариқа кўра олмай қолганини айтди

"Трентнинг ўша вазиятдаги ҳаракатини кўра олмай қолдим. Тўп бурчакка чиқиб кетганини, унинг олдига Трентнинг югуриб кетаётганини кўрдим. Шакири унинг олдига югуриб бораётганди. Ўша паллада мен ортга қайрилдим ва ёрдамчимга навбатдаги ўзгариш борасида кўрсатма бермоқчи эдим.

Бирданига бақириқлар эшитилди. Майдонга қарасам тўп дарвозага кириб кетаётган экан. Кейин яна бир бор ортга қарадим. Ёрдамчим менга: "Нима бўлди?" деб савол берди. "Тўғриси билмайман", деб жавоб бердим. "Энфилд" сакради - энг юқори шиддатда эди! Ўшанда тушундим ва ёрдамчимга: "Ўзгариш қиламизми?" деб савол бердим. Хахаха! Бу вазиятни умуман унутмайман, у қандай ҳайрон қолганини кўрсангиз эди! Бу бир умрлик хотира бўлиб қолади.

Биласизми, 18 йиллик фаолиятим, миллионлаб соатлаб давомида бирор марта ҳам шундай вазиятларни қўйиб юбормагандим. Аммо бир сониялик эътиборсизлик фаолиятимдаги энг зўр дамни кўра олмаслигим сабабчиси бўлди. Ўша тунда Дивокнинг голини 500 000 марта томоша қилдим. Ҳар доим ўйиндан кейин ўзимнинг кичиккина хонамга бир қултум пиво билан борардим. Аммо ўша куни бунинг кераги бўлмади.

Уйга борганимда дўстларим ва қариндошларимни кўрдим ва қувноқ кайфият билан байрам қилдик. Ҳаётимдаги энг ширик тушни кўрдим. Эртаси куни эрталаб ҳам ўша голни кўриб, "Бу ҳаётда бўлдими? Ҳақиқатми?" деб савол бергандим", - деди Клопп.