UZ

Сўнгги янгиликлар

11:38Футзал бўйича Осиё кубоги. Ўзбекистон - Вьетнам 2:1  0 11:15ФАКТ. Ўзбекистон футзал терма жамоаси кетма-кет бешинчи Осиё кубогида ярим финалга чиқди  6 10:54Аллегри «Ювентус»да қолса, туринликлар етакчиси ёзда жамоани тарк этади  3 10:25«Барселона» вице-президенти Хавининг келажаги борасида расмий баёнот берди  11 10:06Хосе Венансио Лопес: «Эрон билан ўйинга тайёргарлик кўрмадик»  6 09:47Фалакнинг гардиши (Бекзод Толибов блоги)  5 09:22«Челси» Почеттинонинг ўрнига бош мураббий топди  5 08:57«Атлетик» афсонаси Икер Муниаин ёзда жамоадан кетишини маълум қилди  5 08:34Фернандо Торрес қайси жамоани бошқариши маълум  5 08:10«Барселона» «Манчестер Сити» етакчиларидан бирини 50 миллион еврога сотиб олиши мумкин  5 07:44Клопп кечаги мағлубиятдан сўнг чемпионлик имкониятлари ҳақида гапирди  14 07:20Лига 1. "Монако" - "Лилль" 1:0  1 07:15Лига 1. "Лорьян" - ПСЖ 1:4  1 07:10АПЛ. "Манчестер Юнайтед" - "Шеффилд" 4:2  1 07:05АПЛ. "Эвертон" - "Ливерпуль" 2:0  0

Клопп "Ливерпуль" мағлубиятга учрашини илтимос қилган "МЮ"нинг 10 ёшли мухлисига жавоб хати ёзди Янгиликлар

Клопп "Ливерпуль" мағлубиятга учрашини илтимос қилган "МЮ"нинг 10 ёшли мухлисига жавоб хати ёзди

Ёқимли ҳолат.

"Ливерпуль" Чемпионлар Лигасида "Атлетико"га мағлуб бўлди, бироқ бу АПЛдаги вазиятга ҳеч қандай таъсир кўрсатгани йўқ — мерсисайдлар у ерда ғалабали серияни давом эттирмоқдалар, соф биринчи ўрин ва бир ойдан сўнг чемпионликни нақд қилиб қўйишлари мумкин. Лекин айнан шу нарса 10 ёшли донегаллик Дара Керлини қаттиқ ташвишга солиб қўйди. У кичиклигидан мерсисайдларнинг азалий рақиби "Манчестер Юнайтед"га мухлислик қилади.

Мактабда болакай ўқийдиган синф ўқувчиларига бирор футбол клубига хат ёзиш уйга вазифа қилиб топширилди: ўйинчиларга, мураббийларга — муҳим эмас. Дарадан ташқари барча ўқувчилар мухлислик қиладиган клуб ходимларига хат ёздилар. Аммо болакай Юрген Клоппга мактуб йўллади.

"Қадрли, Юрген Клопп. Менинг исмим Дара. 10 ёшдаман. "Манчестер Юнайтед" клубига мухлислик қиламан ва бир илтимос билан сизга мурожаат қилмоқчиман. Биламан, "Ливерпуль" жуда кўп ўйинларда ғалаба қозонади. Агар яна тўққиз турда ғолиб бўлсангиз, Англия футболи тарихидаги энг яхши мағлубиятсиз серияни қайд этган бўласиз. Шундай вақтда "Юнайтед"нинг ашаддий мухлиси бўлиш жуда ёмон экан.

Жаноб Клопп, илтимос бир сафар жамоангизни мағлуб бўлишга мажбур қилинг. Шунчаки бошқа жамоа гол уришига тўсқинлик қилмасангиз бўлгани. Сиз лига ёки бошқа ўйинларда ғалаба қозона олмаслигингизга умид қиламан", — деб ёзди Дара.

Ҳа, бундай вазиятда ҳеч ким жавоб хати кутмаган бўлса керак. Лекин Даранинг онаси Тришани почтага чақиришди ва уларнинг манзилига буюртма хати келганини маълум қилишди. Она ҳайрон бўлиб қолди, лекин Дара ажабланмади.

"Онаси фарзандига хат келганини айтганида, болакай шундай жавоб берди: "Ҳа, бу Юрген Клопп!". Ва бу хат ҳақиқатдан ҳам Юрген Клоппдан эди", — дейди Гордон Керли, Даранинг отаси.

Юрген жавоб хатида қуйидаги сўзларни ёзганди: "Биринчидан, мактуб йўллаганинг учун ташаккур. Менга омад тиламаётганингни тушуниб турибман, аммо ёш мухлис бу хатни ёзганидан бошим осмонга етди. Сўзларингни қадрлайман. Афсуски, ўз мажбуриятим туфайли сенинг илтимосингни амалга ошира олмайман. Сен "Ливерпуль" ютказишини қанчалик хоҳлаётганингни сезиб турибман. Аммо менинг вазифам — "Ливерпуль" ғолиб бўлиши учун қўлимдан келган барча ишни қилиш ва клубга ёрдам бериш. Қолаверса, бу жамоа ғолиб бўлишини истаётган миллионлаб инсонлар бор. Мен уларнинг ишончини оқлашим зарур.

Бахтингга, аввал ютказганмиз ва келажакда ҳам мағлуб бўлишимиз аниқ. Чунки бу — футбол. Сен ҳали 10 ёшдасан ва доим шундай бўлади деб ўйлашинг табиий. Аммо 52 ёшга кирган инсон сифатида сени ишонтириб айта оламанки, ҳаммаси ҳам сен ўйлагандек эмас".

Клопп ўз мактуби якунида Дарага ўзини эҳтиёт қилишини айтиб, "МЮ"нинг шундай мухлиси бўлгани учун омади борлигини алоҳида таъкидлаб ўтди.

Албатта, Клоппнинг ушбу хатидан сўнг Даранинг оиласи мухлислик қиладиган жамоасини ўзгартирмайди. Дара "Юнайтед"нинг "туғма мухлиси": отаси ҳам "МЮ" ишқибози саналади.

"У жуда тартибли ва яхши инсон. Албатта, "Ман Юнайтед"нинг фанати сифатида "Ливерпуль" ғалабаларидан аччиқланаман. Бироқ бу Юргенни ҳурмат қилмаслик учун сабаб бўлолмайди", — дейди болакайнинг отаси.

Ҳақиқатдан ҳам, "Ливерпуль" мураббийи Керли оиласи ҳурматига лойиқ эди.


Нозима Зарипова таржимаси

Рейтинг: +78   

Фикрлар

championat.asia
< сўнгги янгиликларни кўриш
Яндекс.Метрика