Кипрда "Кармиотисса" президенти отиб кетилди
17 окт 2025 18:48
Янгиликлар

Кипрда "Кармиотисса" президенти отиб кетилди

"Knews" портали Кипрнинг "Кармиотисса" футбол клуби президенти Ставрос Димостенус Лимасол автомагистралида отиб кетилгани ҳақида хабар берди.

Дастлабки маълумотларга кўра, жиноятчи мотоциклда кетаётган бўлган ва Димостенуснинг машинасига қарата ўт очган. Воқеа жойига бир неча полиция кучлари етиб келиб, катта йўлни тўсган.

Ҳуқуқ-тартибот идоралари қотиллик қасддан содир этилганини тасдиқлади, жиноятчи қидирилмоқда. Терговчилар кузатув камералари ёзувлари ва гувоҳларнинг кўрсатмаларидан фойдаланиб, ҳужум хронологиясини тиклашга ҳаракат қилмоқда.