Ким чемпион? Гёкереш ёки Ди Мария? Бугун Португалияда мавсум ўйини бор
10 май 12:37
Янгиликлар
Ким чемпион? Гёкереш ёки Ди Мария? Бугун Португалияда мавсум ўйини бор
Чемпионат тугашига 2 тур қолганда "Спортинг" ҳамда "Бенфика" бир хил 78 очкодан тўплаган. Тўплар нисбати "Спортинг"да яхшироқ, биринчи даврадаги ўзаро беллашувда ҳам "яшил-оқлар" устун келишган (1:0). Бугун 22:00 да айнан мана шу икки жамоа "қизиллар" майдони ҳисобланган "Эстадио да Луж"да ўзаро ҳисоб-китоб қилишади. Бугун ғолиб бўлган томон катта эҳтимол билан Португалия чемпиони бўлади.
"Спортинг" амалдаги чемпион, "Бенфика" эса ундан олдинги 2022/2023 мавсум чемпиони. Балки улар бугун Португалиянинг охирги 3 йилдаги энг зўр жамоаси ким деган саволга жавоб беришади. "Шерлар" 1954 йилдан бери кетма-кет икки мавсум мамлакат чемпиони бўлмаган. Ўтган мавсум Аморим жамоани шоҳсупага кўтариб, бу мавсум ҳам якка пешқадам қилиб қўйган ҳолда Манчестерга кетган эди. "Бургутлар" эса охирги 11 йилда 6 бор Португалия чемпиони бўлишган.

"Спортинг"ни асосий юлдузи ва тўпурари Виктор Гёкереш жорий мавсум чемпионатда 38 та гол урди ва 7 та ассист берди. "Бенфика" юлдузи Анхель Ди Марияда эса 8 та гол + 4 та ассист.

Ўхшаш янгиликлар
championat.asia
"Пахтакор" голи инобатга олинмаган "Бухоро"ни мағлуб этиб, Ўзбекистон кубоги соҳибига айланди
Суперлига. Турнинг сўнгги баҳсида "Сурхон" "Андижон"га ҳеч қандай имконият қолдирмай йирик ҳисобда мағлуб этди
Эксперт ҳакамлар гуруҳи "Пахтакор" ва "Бухоро" учрашувидаги баҳсли вазият юзасидан хулоса берди
Педри ва Ямаль "Эл Класико"дан кейин ижтимоий тармоқларда Карвахални кузатишни тўхтатди
Фикрлар