Киберфутбол. Жаҳон чемпионатида ўзбекистонликлар иштирок этишмайди

Ушбу саралаш босқичда 6 нафар ўзбекистонлик иштирок этди. 1 ноябрь куни уларнинг уч нафари ўз ўйинларини ўтказишди. "Cartez91" ҳамда "tudobemm" никли киберфутболчиларимиз илк ўйинлардаёқ мағлубиятга учраб, саралаш босқичини муваффақиятсиз якунлашди. "Alibebeto" ники остида фаолият юритаётган Муҳаммадамин Турғунбоев эса биринчи босқичда франциялик "souleyz"ни 6:4 ҳисобида мағлубиятга учради, бироқ навбатдаги баҳсда у ҳам мағлуб бўлди ва турнирни тарк этди.

2 ноябрда эса яна уч киберфутболчимиз ("Sanjar_Blancos", "Unicode", "huggyBaggy_94") жаҳон чемпионати саралаш босқичида иштирок этишди. Аммо саралаш турнирининг иккинчи босқичи ҳам биз учун киберфутболчиларимиз учун омадсиз якунланди ва Парижда бўладиган жаҳон чемпионатида Ўзбекистон номидан ҳеч ким қатнашмайди. Киберфутболчиларимизга мағлубиятдан кўнгли чўкмай, олдинга интилишда давом этишларини тилаб қоламиз.

Эслатиб ўтамиз, 3-5 ноябрь кунлари Парижда FIFA18 ўйини бўйича жаҳон чемпионати бўлиб ўтади. Ғолиб 15 000 долларга эга бўлади.