Кейрушда ғалабалар сони 100тадан ошди

Кейруш ушбу муваффақиятга Португалия, БАА, ЖАР ҳамда Эрон термаларини бошқариб эришди. Эрон Боливия билан кечган ўртоқлик ўйинида 2:1 ҳисобида зафар қучганди. Қўлга киритилган ютуқ португалиялик мураббийнинг терма жамоалар билан 100-ғалабаси бўлганди. Кейинчалик форслар Тринидад ва Тобагони ҳам мағлубиятга учратишди. Натижада Кейрушнинг ғалабалари сони 101тага етди.

"Футболда ғалаба энг яхши тиббиёт, - дейди Карлуш Кейруш. - 2014 йилги ЖЧ саралашида биз Жанубий Кореяни Ульсан шаҳрида мағлуб этгандик, бу мен учун энг ёқимли ғалабалардан бири бўлиб қолади. Аммо Эрон билан учралган 11та мағлубият ҳам ёдимда. Буни ҳам унутмаслик керак. Мен тўрт марта жаҳон чемпионатида иштирок этганман. Энди бешинчисини орзу қиляпман. Қолаверса, Осиё Кубогини ютиш асосий мақсадларимдан бири ҳисобланади".

Маълумот, учун Карлуш Кейруш 1991-93, 2008-2010 йилларда Португалия, 1998-99 йилда БАА ҳамда 2000-2002 йилларда ЖАР терма жамоаларини бошқарган. У 2011 йилдан бери Эрон бош мураббийи ҳисобланади.