Келишилган ўйинми? Жамоа ўзи учун муҳим бўлган 7 голни уриб, юқорироқ дивизионга чиқди

Жоуи Бартон шогирдлари сўнгги тур арафасида 3-ўринга кўтарилиш учун ёки "Нортхэмптон"нинг очко йўқотишини ёки ўзлари 5 гол фарқи билан ғалабага эришишлари керак эди.

"Нортхэмптон" 3:1 ҳисобида ғалаба қозонди. Энди эса "Бристоль" 3-ўринга чиқиши учун камида 7 гол уриши керак эди.

Баҳснинг 76-дақиқасида "Нортхэмптон" 3:1 ҳисобида олдинда бораётган бир вақтда "Бристол Роверс" рақиб дарвозасига жавобсиз бешта гол урганди. 79 ва 86-дақиқаларда киритилган икки гол эса жамоани 3-ўринга олиб чиқди.

Турнир жадвалида жамоаларнинг очколари тенглигича қолди. Ундан ташқари, урилган ва ўтказилган голлардаги фарқ ҳам тенглашди. Фақатгина "Бристол Роверс" урилган голлар кўплиги сабабли 3-ўринни илиб кетди.