"Катта салоҳиятга эга кўп қиррали ҳимоячи". Артета — Кивёр трансфери ҳақида

"Арсенал" бош мураббийи Микель Артета "Специя" ҳимоячиси Якуб Кивёрнинг трансфери ҳақида фикр билдирди.

"У кўп қиррали ёш ҳимоячи. Охирги клуб таркибида у юқори ўйин сифати билан ажралиб турди. У Польша терма жамоасида ҳам халқаро миқёсда ўзини намоён этди. Энди бизнинг ҳимоямиз янада кучли ва сифатли бўлади, у билан ишлашни интиқлик билан кутамиз", – деди Артета "канонирлар" матбуот хизматига.

Аввалроқ Польша терма жамоаси футболчиси "Арсенал" билан 5 йиллик шартнома имзолаши ҳақида хабар берилганди. Трансфер суммаси 25 миллион еврога баҳоланмоқда.

22 ёшли Кивёр жорий мавсум "Специя" таркибида 19 та ўйинда майдонга тушди. 2022 йилги жаҳон чемпионатида Польша терма жамоаси либосида 4 та ўйин ўтказди.