Каспер Шмейхель отасидан ўтиб кетди
11 авг 2018 16:13
Янгиликлар

Каспер Шмейхель отасидан ўтиб кетди

Кеча Англия премьер-лигасида янги мавсумнинг дастлабки учрашуви бўлиб ўтди.

Унда "Манчестер Юнайтед" "Лестер"ни 2:1 ҳисобида таслим қилди.

Мезбонлар ярим ҳимоячиси Поль Погба пенальтидан гол уриб бу мавсумнинг биринчи голини уришга эришди. Шу тариқа, "Лестер" охирги уч йилда АПЛнинг биринчи голини ўтказиб юборди. Қизиғи учала сафар ҳам жамоа дарвозасини Каспер Шмейхель қўриқлаган.

Каспер кечаги ўйиндан сўнг АПЛ антирекордчисига айланди. 1992 йил асос солинган Англия премьер-лигасида шу кунга қадар ҳеч бир посбон уч марта мавсумнинг биринчи голини ўтказмаган экан.

Каспернинг отаси Петер Шмейхель ва машҳур дарвозабон Пол Робинсон икки бор мавсумнинг илк голини ўтказиб юборишган.