Карлуш Кейруш: "Келажагим ҳақида ҳозирча ҳеч нарса дея олмайман"

"Daily Nation" нашри мухбири билан суҳбатлашган португалиялик мутахассис келажакда қаерда фаолият олиб бориши ҳақида ҳали бир қарорга келмаганини айтиб ўтди.

"Фақат шуни айтишим мумкин, менга Эрон футбол федерацияси томонидан 6 ойлик таклиф бўлди. Аммо ҳозирча бу ҳақда батафсил гапиришни хоҳламайман. Тўғрисини айтсам, ўз келажагим ҳақида ҳеч нарса дея олмайман".

"Мураббий учун таклиф бўлгани доим яхши, чунки ҳеч ким ишсиз қолиб кетишни истамайди. Лекин ҳозир бу ҳақда гапиришнинг мавриди эмас. Мен жаҳон чемпионатига борган барча эронликларга ўз миннатдорчилигимни билдираман. Биз яхши ўйин кўрсатишга ҳаракат қилдик, ҳеч бир футболчига эътирозим йўқ".

"Аний пайтда футболдан сал четга чиқиб дам олишни хоҳлайман. Ана ундан кейин режалар ҳақида бош қотирмоқчиман", - дейди Карлуш Кейруш.