Камолиддин Мурзоев: "Янги 2014 йил барчамизга бахт ва омад келтирсин"

Камолиддин Мурзоев (Ўзбекистон терма жамоаси ва "Иртиш" клуби ҳужумчиси): "Байрамлар орасида кўпчилик қатори мен ҳам Янги йилни яхши кўраман ва бу кунни ўзгача тарзда ўтказишга ҳаракат қиламан. Менга берилган фурсатдан фойдаланиб, барча юртдошларимизни, футбол мухлисларини чин қалбимдан табриклайман. Янги 2014 йил барчамизга бахт ва омад келтирсин. Ишқибозларимиз ўзлари мухлислик қиладиган жамоа муваффақиятларидан ҳамиша хурсанд бўлиб юришсин. Якунига етиб бораётган 2013 йилда амалга ошмаган режалар янги йилда рўёбга чиқсин. Ҳамиша тинчликнинг қадрига етиб юрайлик. Биз ҳорижда тўп тепаётган футболчилар ўз ўйинимиз билан Ўзбекистон футболи довруғини янада юксалтиришга астойдил ҳаракат қиламиз".

- Қорбобо ростакам бўлганида, нимани тилардингиз?
- Барчага соғлиқ ва футболчиларга жароҳатсиз мавсум.