Камо Газаров: "Қўқондаги ўйин "Бухоро" учун ўта муҳим ҳисобланади"
08 апр 2016 19:35
Янгиликлар

Камо Газаров: "Қўқондаги ўйин "Бухоро" учун ўта муҳим ҳисобланади"

Ёшлар лигаси доирасида "Қўқон-1912" - "Бухоро" (2:2) учрашуви якунланганидан сўнг, "Бухоро"нинг катта мураббийи Камо Газаров ўйин ҳақидаги фикрларини билдирди.

"Ўта ёмон ўйин намойиш этдик. Бунақа ўйиндан умуман қониқмадим. Асосан иккинчи бўлимдан мураббийлар штаби қаноат ҳосил қилишмади. Биз амалга оширган ўзгаришлар, ўйинни кучайтириш ўрнига, аксинча ўйинимизни бузиб ташлади. Захирадан тушаётган маҳоратли футболчиларимиздан кўп нарса кутдим, афсус улар ишончимизни оқлашмади.

Эртанги учрашув "Бухоро" учун ўта муҳим ҳисобланади. Шундай ҳам жамоамиз 4 очкони йўқотиб бўлди. Биз хато қилишга ҳаққимиз йўқ. Қўқондаги учрашувлар ҳар қандай жамоа учун оғир кечади. Футболчиларимизга ишонамиз, эртага бизни фақат ғалаба қаноатлантиради", - дейди Газаров.

"Бухоро" матбуот хизмати

Ҳавола :

Манба : championat.asia

Янгиликларни Телеграмда ўқинг!

Рейтинг: +5