Кальчо байрами: дунёнинг энг кучли мураббийлари рўйхатида италиялик 9 мураббий

Ушбу кучли эллик мураббийнинг рўйхатига Аппенин ярим оролининг 9 мутахассиси киритилди. Қуйида улар ҳақида суҳбат олиб борамиз.

49 Симоне Индзаги

 
"Лацио"да ажойиб фаолият олиб бормоқда. ЕЧЛга чиқиш учун бироз имкониятлари етмай қолган бўлса-да, Индзаги ўз ишлари билан мутахассисларнинг олқишига сазовор бўлмоқда. Айни дамда "Лацио" А Сериянинг 5-поғонасида кетмоқда. Индзаги тактикада катта ривожланишлар амалга оширмади, бироқ у деярли рўйхатдан чиққан Лейва ва Альбертонинг калитини топа билди. Унинг қўл остида Иммобиле янада сайқалланди.

39 Лучано Спаллетти
 

Спаллетти "Интер"да ўзидан олдин ишлаган мураббийлар қила олмаган ишни уддалади ва жамоани 7 йиллик танаффусдан кейин ЕЧЛга қайтарди. У "нерадзурри"лар билан яхши савияда ишлашда давом этмоқда. Мутахассис жамоа билан нафақат ички чемпионатда, балки Чемпионлар лигасида ҳам яхши ютуқларга эришмоқда. У яққол равишда ўз касбдошларидан анчагина кучли эканлигини кўрсатмоқда. Ўйлашимча, Спаллетти дастлабки ўнликда бўлиши керак. Ўз жойини янада яхшилаб олиши учун дон Лучано "Ювентус" билан жиддий равишда рақобат қилиши керак. "Интер" эса бу ишни ушбу мавсумдаёқ амалга оширмоқчи.

38 Стефано Пиоли

 
Мана дастлабки кутилмаган ҳол. Стефано ёмон мураббий эмас, аммо унинг олдинги натижаларини ёддан чиқармаслик керак. Мураббий "Интер"ни "жар ёқаси"га олиб келди, бироқ кейинчалик бир имкониятдан унумли фойдаланиб кетди. Унинг "Фиорентина"си жуда ёқимли ўйин кўрсатмоқда, мураббийнинг ўзи эса Кьеза ва Милинкович каби ёш футболчиларнинг гуруҳини ривожлантиришда давом этмоқда. Бироқ, натижалар унчалик яхши эмас. Шу боисдан унинг кучли мураббийлар рўйхатига кириши - катта ютуқ. "Фиорентина" кашфиётларни кашф қилишда анчагина кечикмоқда. Ҳозирда Пиоли буни уддалаши мумкин.

35 Марко Жампаоло
 

Буниси эса жуда ҳам қийини. Журналистлар "Сампдория" бош мураббийнинг услубидан таъсирланиб, унинг қўл остидаги жамоанинг нечинчи ўринни қўлга киритганини ёддан чиқарган кўринади. У рўйхатда Лучано Спаллеттидан олдин кўриниш бергани эса - бемаънилик. Уни Маурицио Саррининг ўқувчиси дейишади. Жампаоло Сарридан кейин "Эмполи"да ишлади, шундан сўнг "Сампдория"да фаолиятини бошлади. У вақтда генуяликлар Европа лигаси йўлланмаси учун кураш олиб бориши кутилганди, бироқ барчаси ҳам мураббийнинг режалари каби ўтмади. Лекин мутахассис яна бир бора ёш ижрочилар билан бирга ишлаб, уларни қиммат нархга сота олишини кўрсатди. Балки шунинг учун бўлса керак, у энг кучли мураббийлар рўйхатига тушган.

23 Жан Пьеро Гасперини

 
Гасперинининг юқори ўринда тургани одамни қаттиқ ажаблантиради. Бир йил олдин унинг "Аталанта"си бутун бир Италияни зир титратганди. Ўтган мавсум эса унчалик яхши ўтмади. Гарчи етакчиларини йўқотган бўлса-да, "Аталанта" якунда Европа лигаси йўлланмасини қўлга кирита олди, Гасперини эса ёшларни тарбиялашда давом этмоқда. Мавсум якунларига кўра, қандайдир скаутлар Бергамога бориб, янги кадрлар излашига камчилик ишонади. Гасперини эса жамоада қолса, бир йил ичида келадиган янги футболчиларни излаши аниқ. Яхши цикл, бу "Аталанта" раҳбариятига ёқиши аниқ.

18 Антонио Конте
 

Фикримча, бу ҳам адолатсиз ўрин. Катта эҳтимол билан унинг номи бунда муҳим роль ўйнади. Конте фақатгина Англия кубогини ютди, бироқ чемпионатда унинг жамоаси жуда ёмон ўйин кўрсатди. "Челси" атиги 5-ўринни қўлга киритди, шу боисдан Антонио истеъфога чиқди. Айтилишича, Конте "Реал" бошқарувини ўз қўлига олиши мумкин. Бироқ италиялик мураббийнинг ўзи Мадрид жамоасига жуда кўп талаб қўймоқда. Демак, Конте яқин вақтларда ишга қайтмайди, "Реал"ни эса камтарин Солари бошқариб туради. Нима бўлган тақдирда ҳам Конте тезроқ бирор клубда кўриш жуда ҳам қизиқ бўлади. Умид қиламизки, италиялик узоқ муддат бекорчи бўлиб қолмайди.

13 Эусебио Ди Франческо
 

Ниҳоят, қолганларга қараганда ўзига муносиб ўринда турган инсон. "Рома" бош мураббийини биргина "Барселона"га қарши ўйинда амалга оширилган камбэк учун ҳам қўйса бўлади. Ҳа, умуман олганда Эусебио янги шароитларга тезда кўникиб кета олди ва яхши жамоа тузди. Тўғри, ҳозирда "Рома" учун қийин давр ўтмоқда. Ёзги трансферлар ойнаси вақтида жамоада катта ўзгаришлар бўлди, Строотман ва Наингголан жамоани тарк этди. Шундай пайтда бош мураббийининг иқтидори "Рома"га ёрдамга келиши ва жамоани бундай ҳолатдан олиб чиқиши керак.

8 Маурицио Сарри

 
Таъсирчан мураббий "Ювентус" билан охиригача курашди, бироқ мавсумни иккинчи ўринда якунлагач, "Челси"га кетди ва "туманли альбион"да ажойиб фаолият олиб бормоқда. Сарри янги шароитларга тезда мослаша олгани ва ўз одатларини ўзгартирмангани ёқимли ҳолат. Энди Канте тез-тез дарвозаларга зарбалар бериб турибди. Азар эса истаган жойида, хоҳлаган ишини бажармоқда, Жонжиньо "Наполи"даги каби "аристократлар"нинг ўйинини бошқармоқда. Ҳали ҳам қурилаётган "Челси" турнир жадвалида 3-ўринда кетмоқда. Айта оламизки, бу бошланиши. Сарри Англия футболида гранд жамоа тузишга мажбур, бироқ бунинг учун озгина кутиш керак.

4 Массимилиано Аллегри

 
Ҳар доимгидек, Туринда ҳали ҳам Чемпионлар лигасининг совринини орзу қилишади. Афсуски, "Ювентус" 1/4 финалда "Реал"га мағлуб бўлди. Аммо эндиликда Аллегрининг омад тумори бор. У Роналду орқали барча совринларга эга чиқиши мумкин. Чемпионатда Аллегри барча рақибларидан бир бош устун эканлигини кўрсата олди ва "Ювентус"ни ғалабалар йўлига бошлади. Кўпчиликнинг ҳисоблашичи, Аллегри "Ювентус"да ишлашдан чарчаган ва жамоадан кетишни истайди. Аммо Роналдунинг бош мураббийи бўлиб, унинг ёрдамида ЕЧЛ совринини қўлга киритиш имкониятини рад этиш - аҳмоқлик бўларди. Аллегри ва "Ювентус" ҳозирги ҳолатида ЕЧЛни юта олади.

Сергей Румянцев