Кака Сербияни ЖЧ-2022 фаворитларидан бири дея атади

"Мен Бразилияни фаворит сифатида кўраман, чунки улар узоқ муддатли лойиҳа устида ишламоқда. Жамоа етарлича тажрибага эга. Сўнгги икки йил ичида Винисиус, Родриго, Антони ва бошқалар ўсди. Мен бир неча ой олдин Бремерни танимасдим, лекин у ҳозир жуда кучли”, - деди собиқ ярим ҳимоячи.

Шунингдек, 40 ёшли мутахассиснинг фикрича, жаҳон чемпионатида муносиб футбол кўрсатадиган яна бир қанча жамоалар бор.

“Бразилиядан кейин Аргентина ва Францияни устун деб биламан. Шунингдек, Сербияни ҳам алоҳида ёдга олмоқчиман, улар жуда хавфли жамоа", - дея қўшимча қилди "Милан"нинг собиқ футболчиси.

Футбол бўйича 2022 йилги жаҳон чемпионати 20 ноябрдан 18 декабрга қадар Қатарда бўлиб ўтади.

Бразилия Сербия, Швейцария ва Камерун билан бир гуруҳда ўйнайди. Пентакамеонларнинг илк ўйини сербларга қарши бўлиб ўтади.