"Жубило Ивата" йирик ғалабага эришди, бироқ Мусаев қизил карточка олди
29 июл 2017 17:00
Янгиликлар

"Жубило Ивата" йирик ғалабага эришди, бироқ Мусаев қизил карточка олди

Ўзбекистон терма жамоасига номзод бўлган Фозил Мусаев Япония чемпионатининг 19-тур учрашувида "Жубило Ивата" сафида асосий таркибда майдонга тушди.

Ҳамюртимиз Фозил Мусаев ўйинни асосий таркибда бошлади. "Кавасаки"га қарши баҳсда ҳисобни меҳмонлар очди. "Жубило Ивата" футболчиси Хайао Кавабе илк голга муаллифлик қилди. Мезбон жамоа футболчиси Эдуардо 12-дақиқада ҳисобни тенглаштирди. Сакураучи эса яна "Жубило Ивата"ни ҳисобда олдинга олиб чиқди.

Фозил Мусаев 53-дақиқада илк сариқ карточкасини олди. 20 дақиқадан сўнг ярим ҳимоячимиз иккинчи маротаба сариқ карточка билан огоҳлантирилди ва у майдонни тарк этди.

"Кавасаки" - "Жубило Ивата" 2:5

Голлар: Эдуардо 12, Моримото 82 - Кавабе 8, 55, Сакураучи 24, Адайлтон 59, Каватама 61.