UZ

Сўнгги янгиликлар

18:30"Фанат Суперлига". "Металлург" – "Навбаҳор" 3:2  136 18:23Тьерри Анри «Арсенал» сафида авжига чиққан вақтлари  0 18:15"Фанат Суперлига". "Сўғдиёна" – "Aндижон" 2:2  132 18:02Андреа Пирло: "Барселона" мени кутмоқда"  1 18:00"Фанат Суперлига". "Насаф" – "Бухоро" 3:2  126 17:45"Фанат Суперлига". "Қизилқум" – "Пахтакор" 3:2  151 17:37Нойер "Бавария"дан 2025 йилга қадар мўлжалланган шартнома талаб қилмоқда  0 17:30"Фанат Суперлига". "Машъал" – AГМК 3:1  84 17:15"Фанат Суперлига". "Сурхон" – "Қўқон-1912" 2:2  80 17:08Месси баёнот қилди. "Барселона" ўйинчилари маошларининг 70%га қисқаришига рози, бундан ташқари...  8 17:00"Фанат Суперлига". "Бунёдкор" – "Локомотив" 1:2  62 16:39#Уйдабўл! Нодирхўжа Юлдашев: 2005 йилнинг аламли хотиралари - Тошимуцу Ёшида!   7 16:33"Ман Сити" "Лейпциг" ўйинчиси учун "Реал" билан курашади  0 16:19Финалда Убайдуллаевни, Тошкентда Абрамовни, саралашда Қосимовни мағлуб этган мураббий ҳақида  2 16:08Koronavirus Info. Ўзбекистонда коронавирус инфекцияси билан касалланганлар сони 149 нафарга етди  16

Жорий йилда “Қўқон-1912га қайтган Филип Раевац билан суҳбат Янгиликлар

Жорий йилда “Қўқон-1912га қайтган Филип Раевац билан суҳбат

Баҳтиёр Ашурматов бош мураббийлигидаги “Қўқон-1912” жамоаси янги мавсум олдидан таркибини сезилари даражада кучайтириб олди.

Трансферлар ойнаси вақтида фаол клубларимиздан бири бўлди десак янглишмаймиз.Боиси, жамоа бу йил олдига ҳар йилигига қараганда юқорироқ мақсадларни қўйган. Бундан бир неча мавсум олдин қўқонликлар таркибида ёрқин ўйинлар ўтказган, қатор голлари билан мухлислар қалбидан жой олган сербиялик ҳужумчи Филип Раевац жамоага қайтди. Суперлига 3-турдан жой олган “Суғдиёна”га қарши баҳсдан сўнг футболчини футболчини суҳбатга тортдик. 

- Филип, “Қўқон-1912”га қайтишга қайси омиллар сабаб бўлди? Нима мажбур қилди?

- Мен иккинчи бор мазкур клуб сафига қўшилдим. Хурсандчилигим чексиз. Биринчи бор тўп тепган мавсумимда кўплаб голлар ургандим. Биз биринчи даврада совринли ўринлар учун курашган эдик. Сўнг 2018 йил бошида менга “Бунёдкор”нинг ўша вақтдаги бош мураббийи Миржалол Қосимовдан таклиф бўлди. Қўқонга қайтишимга ажойиб жамоа, жонкуяр мухлислар, меҳрибон мураббийлар штаби сабаб бўлди. Бу жамоанинг ишқибозлари мени жуда яхши қарши олди. 2017 йил биринчи даврани иккинчи ўринда якунлаганмиз. Ажойиб мавсум бўлганди. Буни яна бир бор такрорлашга уринамиз. 

- Эшитшимизга қараганда Бахтиёр Ашурматов АГМКда ишлаётган пайтида сизга қизиқиш билдирган экан...

- Ҳа. Нисбатан тўғри. Мен “Бунёдкор” сафида ҳаракат қилаётган давримда АГМКга кўплаб голлар урганман. Адашмасам, қайсидир баҳсда мен олмалиқликлар дарвозасига иккита тўп киритдим. Натижада, менга Баҳтиёр Ашурматов томонидан таклиф бўлди. Аммо, мени пойтахт жамоаси текинга қўйиб юборишни истамади. Мана, тақдир экан ушбу мутахассис билан бирга ишлаш имконияти пайдо бўлди. Мен уни ҳурмат қиламан, ҳар қандай қарорини тушунаман. Баҳтиёр Ашурматов менга ишонишини, жамоага ёрдам беришимни такидлади. 

- “Локомотив”га улкан умидлар билан ўтгандингиз. Сиздан мураббийлар штаби, мухлислар кўп нарса кутганди. Бироқ, 7та ўйинда 1 гол ҳужумчига хос натижа эмас...

- Менга ўйин амалиёти ва ўзимни кўрсатишим учун вақт беришмади. Икки йил Қўқон ва пойтахтда жами 18та гол урдим, ассистентлик қилдим. Ёмон натижа қайд этмадим. Миржалол Қосимовга кўп ишлашим, меҳнат қилишим ёққани сабаб мени “Бунёдкор”га чақирди. Ўйлайманки, бу йил мен ва жамоамиз учун энг яхши мавсумлардан бири бўлади. Мақсадимиз кучли бешликдан жой олиш. 

- Дейлик, 2017 ва 2018 йилларда “қалдирғочлар” таркибида рақобат яхши даражада бўлган. Клуб академияси тарбияланувчилари ҳам асосий таркибда тўп тепарди. Сизни кўп ҳолларда заҳирада қолишингиз рақобат билан боғлиқми?

- Мен рақобатдан қўрққанимда “Бунёдкор”га ўтмасдим. Ўзимни янги қирраларимни очиш, янги даражага чиқиш учун мураббий чорловини қабул қилганман. 

- Жамоадошингиз Иван Йосович сиз ҳақингизда жуда илиқ гаплар айтганди. У ҳимоя чизиғида ҳаракат қилади. Лекин, қишики йиғинлардаги ўртоқлик ўйинларида бир нечта тўп киритди....

- Иванни жуда яхши биламан. У жамоамиз ҳимоясини кучайтиришга қодир. Умуман барча чизиқларда юқори даражадаги ўйинчилар жамланган. 

- “Суғдиёна”га қарши кечган учрашувда уч очко расмийлаштирилди. Ғалаба ниманинг ҳисобига қўлга киритилди? Балки, рақибд руҳий томондан пасайиш кузатилгандир...

- Ҳисобдан ҳам кўриниб турибдики, ўйин осон бўлмади. Рақиб кутганимизданда жиддий қаршилик кўрсатди. Чунки, уларга ғалаба сув ва ҳаводек зарур эди. Пенальтидан дарвозамизни ишғол қилишгач уларда ишонч пайдо бўлди. Шу сабаб олдинга ўтишга, босимни оширишга интилди. Биз эса ўзимиз яратган вазиятдан унумли фойдаландик. Майдонга чиқиб барчанинг ишончини оқлаганимдан хурсандман. Ҳар бир турда фойда келтиришга ҳаракат қиламан. 


Футболчи ҳақида тўлиқ маълумот.

Филип Раевац

Туғилган санаси ва жойи: 1992 йил, 21 июнь. Югославия, Валево шаҳри.

Бўйи: 186

Позицияси: ҳужмчи

Тўп тепган клублари: “Будучност”(Сербия), Единство( Сербия), “Крушик”(Сербия), “Колубара”(Сербия), “Железничар”(Сербия), "Сьярка"(Полша), “ОФК Белград”(Сербия), “Қўқон-1912”(Ўзбекистон), “Бунёдкор”(Ўзбекистон), “Локомотив”(Ўзбекистон), “ФК Инджия”(Сербия).


Абдулазиз Искандаров суҳбатлашди

Рейтинг: +11   

Фикрлар

   
17 мар 07:17:19
Азамат baxromovich
Фаолияти давомида 30-40та жамоада ойнашга улгиради бу кетишида )))
   
16 мар 17:09:46
Farruhf
Davronbek Beshariq фойдаланувчининг фикрига жавоб бериш
ОЛГАААА КУКООООН. Жамоа бу йил совринли уринлардан бирини эгалласа худо хохласа, жамоа куркамрок, замонавий стадионга эга булармиди. Качонгача советдан колган эски услубда курилган куримсиз стадионларда туп суради.
Қўқонга янги стадион қуриш ҳақида президент қарори чиққанди, лекин амалда ижроси ҳали бошланган йўқ
   
16 мар 13:00:17
Baxtruz_2020
Пулни кутидан к,увлаб кетиб колган Эди адашмасам ,бизни жамоага омад ,Кукон олга
   
16 мар 12:02:44
Davronbek Beshariq
ОЛГАААА КУКООООН. Жамоа бу йил совринли уринлардан бирини эгалласа худо хохласа, жамоа куркамрок, замонавий стадионга эга булармиди. Качонгача советдан колган эски услубда курилган куримсиз стадионларда туп суради.
   
16 мар 10:35:38
Рустам 1912
Ф.РАЕВАЦдан чиройли ижро ажойиб ГОЛлар кутиб коламиз.ОЛГА КУКОН!!!@
championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг