Йоахим Лёв: "Октябрь ойида етарлича очко жамғара олмадик"

Биз октябрь ойида кераклигича очко жамғара олмадик. Жаҳон чемпионатидан кейин қаттиқ эйфорияга берилиб кетдик. Биз бироз пастроққа тушишимиз кераклигини билиб олдик. Ирландия ва Польшага қарши ўйинда яхши ўйнай олмадик. 

Гибралтар жуда осон рақиб демаган бўлардим. Уларнинг Польшага қарши ўйинлари аввалига ёмон чиқмаганди. биринчи бўлимдан сўнг ҳисоб атига 1:0 эди. Танаффусдан сўнг ҳаммаси ўзгариб кетганди. Бу беллашувда биз ҳужумда ёрқинроқ ўйин олиб борамиз ва бунга етарлича имкониятларимиз бўлади деб ўйлайман.

Сами Хедира кўп вақтдан буён ўйин амалиётисиз қолиб кетди. Лекин бу даражадаги футболчига бемалол ишонса бўлади. Хедирага майдондаги кўплаб чиқизларда синаб кўрса бўлади. Мундиалда Бразилияга қарши ўйинда бўлгани каби, биз уни кўпроқ ҳужумкор ярим ҳимоячи сифатида ўйнатиб кўрмоқчимиз. Андре Шюррле сўнгги пайтларда соғлиғи билан бўлган муаммолар туфайли майдонга туша олмаяпти. Шу сабаб, у билан телефонда гаплашиб олдик ва Шюррлени Лондонда қолаверишини келишиб олдик. Берлинда ўтган тақдирлаш маросими аъло даражада ўтди. Энди бор эътиборимизни бўлажак учрашувларга қаратишимиз жоиз. Ғалабалар тарихда қолди. Янги муваффақиятлар сари янги қадамларни ташлашимиз талаб этилади. Бу йўлда эса ҳали кўп меҳнат қилишимиз керак.