Жеррард: "Локомотив"га қарши ўйинни интиқлик билан кутяпмиз"
03 янв 2020 12:23
Янгиликлар
Жеррард: "Локомотив"га қарши ўйинни интиқлик билан кутяпмиз"
Ушбу ўйин Дубай спорт уюшмаси ва "Адолатли футбол" ташкилоти томонидан маҳаллий вақт билан соат 3да Дубайдаги "Севенс" стадионида бўлиб ўтади.
"Локомотив" Ўзбекистоннинг уч карра чемпиони, мамлакат Суперкубогининг амалдаги эгаси ва Осиё Чемпионлар Лигасининг доимий иштирокчиси ҳисобланади.
"Рейнжерс" бош мураббийи Стивен Жерард: "Локомотив"га қарши ўйинни интиқлик билан кутяпмиз. Дубайдаги илиқ ҳавода ўйин юқори сифатда ўтиши шубхасиз.
Биз мавсумнинг иккинчи даврасига тайёргарлик яхши бўлишини истаймиз ва бўлажак ўртоқлик ўйинлари биз учун муҳим аҳамият касб этишини айтиб ўтаман".
"Локомотив" Ўзбекистон пойтахти Тошкент шаҳрида жойлашган. Ўзбекистон Ўрта Осиёда энг кўп аҳолига эга бўлган давлатлардан бири ҳисобланади.
"Локомотив" бош мураббийи Андрей Фёдоров ҳам ўз фикрларини билдирди: "Рейнжерс" каби буюк тарих ва катта шон-шуҳратга эга бўлган жамоага қарши ўйнаш биз ва ўзбек футболи аҳли учун ҳам анчагина ҳаяжонли.
Дубайдаги мавсумолди йиғинлар якунланганидан кейин асосий таркиб учун кураш кучаяди. Шу боисдан жамоа "Рейнжерс"га қарши баҳсда бор кучини бериб ўйнашга ҳаракат қилади"
"Севенс" стадиони футболнинг айни дамдаги барча талабларига жавоб берадиган шароитларга эга, ўз бағрига 50 мингдан зиёд мухлисларни сиғдира олади. Бунга қадар ушбу стадионда "Реал" ҳамда "Милан" жамоалари ўзаро ўртоқлик ўйини ўтказишган, шунингдек, Жастин Бибер ҳам концерт берган.
"Рейнжерс" жамоаси эса Дубайда 6-12 январь кунлари ўз йиғинини ўтказиб қайтади.
Ўхшаш янгиликлар
championat.asia
ОЧЛ-2. "Андижон" кетма-кет бешинчи учрашувда дуранг ўйнади ва гуруҳдан чиқиш имкониятини сақлаб қолди
ЕЧЛ. Учта голи ҳисобланмаган "Челси" 10 киши қолган "Барселона"ни йирик ҳисобда мағлубиятга учратди
Морган Роналдунинг шартли дисквалификацияси ҳақида: "Тўғри қарор. Криштиануни атайлаб кийимидан тортишган"
Роналду ММА-промоушен акциядорига айланди
Фикрлар