ЖЧ-2026 финал қисмининг 48 та иштирокчи давлати ўртасида тақсимланадиган умумий мукофот жамғармаси 727 миллион долларни ташкил этади. ФИФА таъкидлаганидек, жамғарма ҳажми 50 фоизга оширилган.
Мукофот жамғармаси икки қисмга бўлинган: 655 миллион доллар соф мукофот пуллари ва 72 миллион доллар ЖЧ ўтказилиши билан боғлиқ ташкилий харажатларни қоплаш учун (48 та давлатнинг ҳар бирига 1,5 миллион доллар – барча учун белгиланган ва тенг сумма).
Мукофотлар қуйидагича тақсимланади:
Чемпион – 50 миллион доллар
Финалист, вице-чемпион – 33 миллион
Учинчи ўрин – 29 миллион
Тўртинчи ўрин – 27 миллион
5-8 ўринлар – 19 миллион
9-16 ўринлар – 15 миллион
17-32 ўринлар – 11 миллион
33-48 ўринлар – 9 миллион.
Шу тариқа, ҳар бир терма жамоа ФИФАдан камида 10,5 миллион доллар олади – 9 миллион доллар минимал кафолатланган мукофот сифатида ва 1,5 миллион доллар харажатларни қоплаш учун.
Эслатиб ўтамиз, 2026 йилги Жаҳон чемпионати 11 июндан 19 июлгача бўлиб ўтади.
