ЖЧ-2018 қуръасига қайси мураббийлар ташриф буюради?

Қуръа ташлаш маросими 1 декабрь куни Москва шаҳрида бўлиб ўтади.

Пайшанба куни Тошкент вақти билан 16:00да бошланадиган жамоалар учун семинар доирасида терма жамоа вакиллари турнирга боғлиқ муҳим маълумотга эга бўлишади. Мусобақанинг финал босқичига қуръа ташлаш маросими Тошкент вақти билан 20:00да Кремль саройида ўтказилади.

Маросимда иштирок этувчи мураббийлар:

Станислав Черчесов (Россия), Хорхе Сампаоли (Аргентина), Роберто Мартинес (Бельгия), Тите (Бразилия), Хосе Пекерман (Колумбия), Оскар Рамирес (Коста-Рика), Златко Далич (Хорватия), Оге Харейде (Дания), Эктор Купер (Миср), Гарет Саутгейт (Англия), Дидье Дешам (Франция), Йоахим Лёв (Германия), Хеймир Хадльгримссон (Исландия), Карлуш Кейруш (Эрон), Вахид Халилходжич (Япония), Син Тэ Ён (Жанубий Корея), Хуан Карлос Осорио (Мексика), Эрве Ренар (Марокаш), Гернот Рор (Нигерия), Эрнан Гомес (Панама), Рикардо Гарека (Перу), Адам Навалка (Польша), Фернанду Сантуш (Португалия), Хуан Антонио Пицци (Саудия Арабистони), Алиу Сиссе (Сенегал), Младен Крстаич (Сербия), Хулен Лопетеги (Испания), Янне Андерссон (Швеция), Владимир Петкович (Швейцария), Набил Маалул (Тунис).

Австралия ва Уругвай терма жамоалари устозлари тадбирда қатнашишмайди.