Lopetegi yangi mavsumdan "Real"ga murabbiylik qiladi.
O'z navbatida, "Real" va Ispaniya terma jamoasining sobiq futbolchisi, shu kunga qadar Ispaniya Qirollik futbol federatsiyasi sport direktori bo'lib ishlab kelayotgan Fernando Yerro JCH-2018 vaqtida milliy terma jamoani boshqaradigan bo'ldi. Bu haqda federatsiya matbuot xizmati xabar berdi.
Sobiq murabbiy 51 yoshli Lopetegi terma jamoa bilan 2020 yilgacha shartnomasi bo'lishiga qaramasdan JCH-2018 nihoyasiga etganidan so'ng "Real"ni boshqarishga rozilik berdi. Shu sabab Ispaniya futbol federatsiyasi rahbari Luis Rubiales bugun Xulenning iste'fosi haqida e'lon qilgan edi.
Mundial boshlanishiga 1 kun qolganda bosh murabbiyni almashtirgan Ispaniya Jahon chempionatining "B" guruhida Portugaliya, Eron va Marokash bilan kurash olib boradi.
