ЖЧ-2018. Франция - Бельгия учрашуви чипталари ярим нархига сотилмоқда. Нега?

Санкт-Петербург шаҳрида Франция ва Бельгия терма жамоалари тўқнаш келишади. Эрта тонгдан шаҳарда футбол ҳавоси кезиб юрибди. Франция ва бельгиялик кўплаб мухлислар байрамни бошлаб юборишган.

Эътиборлиси айни пайтда шаҳардаги "Невский проспекти"да Бразилия, Аргентина ва мексикалик кўплаб мухлисларни учратиш мумкин. Улар нима қилишаяпти дейсизми? Бу мухлислар ўз севимли жамоалари шу босқичга етиб келишига ишониб, анча олдин ўйин чипталарини харид қилишган ва энди нейтрал учрашувга киришни истамай чипталарни сотишга уринишмоқда.

Жумладан 1-категориялик чипта кассадаги нархи 750 доллар, мухлислар 400 доллардан сотишмоқда. 2-категория 300 ва 3-категориялик чипталарни эса 200 доллардан сотишга ҳаракат қилишмоқда.  

Ундан ташқари кассаларда хатто энг қиммат, 1-категориялик чипталар бемалол сотилмоқда.

Эслатиб ўтамиз, Франция - Бельгия учрашуви ғолиби финалга чиқади.