Жавоҳир Сидиқов: "Ғузордаги ғалабани мухлисларимизга бағишлаймиз"

- Бугунги ўйин қийин бўлишини аввалдан билган эдик. Чунки “Шўртан” жамоаси қандай кучга эга эканлигини ўз майдонида бўлиб ўтган “Пахтакор” ва “Локомотив” жамоаларига қарши ўйинларда кўрсатиб қўйган эди. Шунинг учун бу баҳсга жиддий тайёргарлик кўрдик. Бугун бизгаям мезбонларга ҳам ғалаба зарур эди. “Шўртан” ўз мухлислари қаршисида мағлуб бўлишни истамасди. Биз эса мағлубиятсиз сериямизни давом эттиришни истар эдик.

Бундай муваққиятларимизни биргина омадга боғлаш хато деб ўйлайман. Бу ютуқларни замирида мураббийларимиз ва футболчиларимизнинг катта меҳнатлари ётибди. Айтишадику омад кучлиларга боқади деб. Бугунги ғалабамизни жонкуяр мухлисларимизга бағишлаймиз. Уларнинг қўллаб-қувватлашлари  натижаларимизда катта аҳамиятга эга.

- Энг яхши ўйинчи бўлишимни тўғриси кутмаган эдим. Ўз ўйинимдан 100 фоиз  қониққаним йўқ. Аста – секин  формага кириб боряпман. Мураббийларим ва мухлисларимиз ишончини оқлашим шарт – дейди Жавоҳир Сидиқов.