Жасур Жалолиддинов: “Мураббийимизнинг кўрсатмасини бажардим ва гол урдим”

 Учрашувдаги мезбонларга ғалаба келтирган ягона гол “қалдирғочлар”нинг ёш футболчиси Жасур Жалолиддинов ҳисобига ёзилди. Биз эса ўйиндан сўнг унинг фикрлари билан қизиқдик.

“Асосийси ғалаба қозондик. Лекин, кўп хатолар қилдик. Шу боис рақибимиз хавфли вазиятларни  юзага келтиришни бошлади. Улар жисмонан кучли эканлигини билардик. Бизнинг вазифамиз ўз ўйинимизни тўғри йўлга қўйиб олиш эди. Аммо мураббиймиз ўйинимиздан қониқиш ҳосил қилмади. Голга келсак, мураббийимиз ҳар бир ўйиндан олдин узоқдан кўпроқ зарба йўллашимни таъкидлайди. Бугун ҳам берилган кўрсатмани бажаришга ҳаракат қилдим ва гол урдим. Яна бир нечта гол уришимиз мумкин эди. Демак, тўп киритган вазиятимда мураббийнинг кўрсатмасини бажаришдан бошқа ҳеч нарса қилмадим”, деди Жалолиддинов.

Абдулазиз ИСКАНДАРОВ ёзиб олди.