Жасур Жалолиддинов "Локомотив"нинг тиббий кўригидан муваффақиятли ўтди
27 июл 2020 20:33
Янгиликлар

Жасур Жалолиддинов "Локомотив"нинг тиббий кўригидан муваффақиятли ўтди

Теглар : "Локомотив" "Бунёдкор"Жасур Жалолиддинов

Куни кеча Тошкентдан Москвага учиб кетган "Бунёдкор" футболчиси "Локомотив" тиббий кўригидан муваффақиятли ўтди. Шу билан бирга ярим ҳимоячи Covid-19га ҳам тест топширган ва барчаси аъло чиққан.

Айни пайтда Москва клубининг базасида бўлиб турган Жасурнинг кейинги фаолияти "Локомотив" билан боғланадими ёки ижара асосида бошқа клубга ўтади номаълум. Бизга маълум қилишларича, рус "темирйўлчилари" "қалдирғочларга" 350 000 АҚШ доллари миқдорида трансфер пулини тўлаб беради. Бу "Бунёдкор"нинг сўнгги 3 йилдаги рекорди, унга қадар Шомуродов "Ростов"га бор йўғи 100 000 евро эвазига трансфер қилинган эди.

Агар "Локомотив" Жалолиддиновни чемпионат учун рўйхатдан ўтказса, у дебют ўйинини 7 август куни Россия Суперкубоги учун бўлиб ўтадиган "Зенит" - "Локомотив" учрашувида ўтказиши мумкин.

Шу кунларда трансфер деталлари бўйича якуний тўхтамга келинади ва бу ҳақда яна хабар берамиз.

Ҳавола :

Манба : championat.asia

Янгиликларни Телеграмда ўқинг!

Рейтинг: +78