Жамшид Саидов: "Бухоро"нинг ғалабалари олдинда эканлигига ишонаман"

“Бугунги ғалаба билан “Пахтакор” жамоасини табриклайман. Бугун биз мамлакатимизнинг энг кучли жамоасига қарши ҳаракат қилдик. Афсуски, бугун ҳам “Бунёдкор”га қарши кечган баҳсга ўхшаб 2-3та қўпол хатоларимиздан сўнг гол ўтказиб юбордик. Иккинчи бўлимда устунлик биз томонда бўлишига қарамай, сўнгги зарбани берувчи футболчи топилмаяпти.

Мен футболчиларимга раҳмат айтмоқчиман. Улар бугун борини бериб ўйнашди. Улар ҳаракат қилишяпти, ўйиндан ўйинга футболчиларда ўсиш бор. Улар энди-энди бир-бирларини тушуниб ўйнашни бошлашмоқда.

Турнир жадвалидаги ўрнимизни кўриб, футболчилар катта босим остида қолишмоқда. Мухлисларни ҳам тушунаман, уларга натижа керак. Ҳозир биз катта босим остида қолиб кетяпмиз. Машғулотларни ҳам ёпиқ эшиклар ортида олиб боришга мажбурмиз. Мухлисларни ҳозирча машғулотларга қўймаётганимизнинг сабаби, футболчиларни ортиқча босимдан холи қилишдир.

Мен бир нарсани ишонч билан айтмоқчиман, мен, раҳбарият ва барча мураббийлар штаби жамоага, футболчиларимизга ишонамиз. Мен келажакка умид билан қараяпман. Ҳали “Бухоро”нинг ғалабалари олдинда эканлигига ишонаман”- деди Саидов.