Жамол Белмади: "Олдимизда Тошкентдан ғалаба билан қайтиш вазифаси турибди"

"Олдимизда Тошкентдан ғалаба билан қайтиш вазифаси турибди. Бир ҳафта олдин "Локомотив" билан ўйнагандик. Рақиб кучли ва шаклланганлиги маълум. Ҳар бир ўйинда максимал натижага эришишни истаймиз, - дейди Жамол Белмади.

"Локомотив"га қарши олдинги ўйин осон ўтди дея олмайман. Эртага ҳам осон бўлмаслиги аниқ. Аммо рақибга ҳурмат сақлаган ҳолда эртага биз ғалаба қозонишни истаймиз", - дейди Абдуллоҳ Абдулсалом.

- Биз чемпионликка эришгач футболчиларим эркинликка берилишмади. Аксинча ушбу ғалаба бизга эртанги баҳсга ёрдам бериши мумкин. Таркибда барчанинг кайфияти яхши. Тошкентга барча етакчилар билан келдик, ҳамма эртанги баҳсга тайёр.

Қатарда чемпион бўлдик, энди навбат ОЧЛга. "Локомотив"дан алоҳида бир футболчини кўрсата олмайман, рақиб жамоавий шаклланган.

Ўтган ўйинда "Локомотив" билан биринчи таймда яхши ўйнадик, иккинчи таймда эса иккита гол ўтказдик. Мен иккинчи таймда биз ёмон ўйнадик демайман, рақиб кучли ўйнади дейман. Биз олдинги баҳсдан олдин "Ал Садд" билан муҳим ўйинни ўтказгандик, - дейди Белмади.