"Жажжи шунқорчалар" машғулотлари давом этмоқда (ФОТО)

Айни кунларга келиб бу гуруҳлар ўз фаолиятларини изчил равишда давом эттиришмоқда. Биз 51-сонли мактабгача таълим муассасасига борганимизда кичкинтойларнинг машғулотлари устидан чиқиб қолдик.

Бу ерда мураббий Муроджон Султонов машғулотларни олиб бормоқда.

-Гуруҳларимизда 3 ёшдан 6 ёшгача бўлган 24 нафар кичкинтойлар билан машғулотлар олиб бормоқдамиз. Машғулотларни ҳафтасига 3 маҳалдан болажонларнинг ёшларига муносиб тарзда ўтказяпмиз. Машғулот ўтказиш учун зарур бўлган барча анжомлар , тўплар билан таъминланганмиз. Асосий мақсадимиз кичкинтойларни футбол алифбеси билан таништириш, уларда дастлабки кўникмаларни шакллантириш, соғлом авлолни тарбия қилишдан иборат. Болажонлар машғулотларда жуда катта қизиқиш ва иштиёқ билан иштирок этишмоқда. Улар билан ишлаш кишига бир олам завқ бағишлайди - дейди М Султонов. 

Биз машғулотлар жараёнини суратга тушириб, уларни сизлар билан баҳам кўришни лозим топдик. Зеро сиз ҳам беғубор болалигингизни бир эсланг.