Жаҳонгир Меҳмонов: "Футболчилар робот эмас"

Ушбу учрашув олдидан "Навбаҳор" жамоаси футболчиси Жаҳонгир Меҳмонов ўз фикрларини билдириб ўтди.

"АГМКни мағлуб этганимиз тарихда қолди. Бор эътиборимизни "Локомотив"га қарши ўйинга қаратганмиз. Бу йилги суперлига баҳслари юқори даражада. Ҳар бир учрашув финалга тенг тарзда ўтмоқда. Суперлига баҳслари энди бошланган бўлса ҳам, кучли жамоалар очко йўқотишмоқда. Шуни ўзи ҳар бир жамоага очко кераклигини айтиб турибди. Биз бир жамоамиз, ҳар бир учрашувга аъло даражада тайёргарлик кўряпмиз. 

Биз фақат ғалаба қозониш учун ўйнаймиз. Мухлисларимизни хурсанд қилишимиз керак. Бош мураббийимиз бизни ҳар бир ўйинга руҳан тайёрлай олади. Бизнинг мухлисларимиз ўзгача, кучимиз ҳам мана шунда. Ҳар бир футболчи менга ўхшаган инсон, робот эмас. Ҳеч бир футболчи бир маромда ўйин кўрсата олмайди. Биз бу ҳақида ўйлашимиз шарт эмас. Ғалаба қозониш ҳақида ўйлаяпмиз", - дейди Жаҳонгир Меҳмонов

Жаҳонгир Сотволдиев ёзиб олди