Жаҳон чемпионатига боришни хоҳлаган мураббий ишдан бўшатилди

БАА футбол ассоциацияси миллий терма жамоага шу ёзда бош мураббий бўлган Хорхе Пинтони истеъфога чиқарди. Бунга сабаб эса жамоанинг уч ўртоқлик баҳсларида кўрсатган ўйинидир - Ўзбекистон (1:2), Тожикистон (3:2) ва Баҳрайн (1:3).

Бу эса бир йил ичида расмий ўйин ўтказмаган мураббийнинг иккинчи истеъфоси бўлди. БАА термасининг бундан олдинги устози Иван Йованович 5 ой ичида бирорта ҳам ўйин ўтказмасдан истеъфога чиқарилган эди.

Олдинроқ Гондурас ва Коста Рика терма жамоалари билан жаҳон чемпионатида иштирок этган ушбу мураббий БАА терма жамоасини ҳам мундиалга олиб боришга ваъда берган ва ЖЧга боришни хоҳлашини айтган эди.