UZ

Сўнгги янгиликлар

10:52"Ливерпуль" Салоҳга ўринбосар сифатида кўраётган футболчисига 100 миллион евро тўлашга тайёр  0 10:44"Сурхон" Наманганда нечта ғалабага эришганини биласизми?   0 10:21Антони Марсьяль фаолиятини Мексикада давом эттиради  1 09:502026 йилги УEФА Суперкубоги қайси стадионда бўлиб ўтиши маълум  0 09:18"Рома"нинг собиқ устози Эронни бошқариши мумкин  10 08:43Sofascore. "Бани Яс" мағлуб бўлди. Мозговой неча баҳо олди?  1 08:10Файзуллаевнинг трансфери иккинчи бўлди  2 07:35Суперлига. Бугун Жиззахда ва Наманганда ўйинлар бор  4 06:35Суперлига. "Машъал" — "Шўртан" 2:1   0 01:50Дерби олдидан "Манчестер Сити"нинг 4 футболчиси сафга қайтди  5 01:08Жанлуижжи Доннарумма: "Пеп мени жамоасида кўришни истаётганини айтди. Бу мени ғурурлантирди"  2 00:46Расман: Онана - "Трабзонспор" дарвозабони!  21 00:15"Вест Хэм" дербидан олдин мухлисларга тақиқ қўйди  0 23:44Доннарумма "Манчестер Сити"да қайси рақамда ўйнайди?  3 23:29"Реал" "Ливерпуль" марказий ҳимоячисини текинга қўлга киритмоқчи  2

Жаҳон чемпионатида 3-ўринни олган Ўзбекистон ногирон-ампутантлар термаси аъзолари ЎФА белгиси ва пул мукофотлари билан тақдирланишди Янгиликлар

Жаҳон чемпионатида 3-ўринни олган Ўзбекистон ногирон-ампутантлар термаси аъзолари ЎФА белгиси ва пул мукофотлари билан тақдирланишди

Ўзбекистон футбол ассоциациясида Туркияда бўлиб ўтган Жаҳон Чемпионатида муваффақиятли иштирок этган Ўзбекистон ампутантлар терма жамоаси билан учрашув бўлиб ўтди.

Унда ЎФА раҳбарияти, Спортни ривожлантириш вазирлиги мутасаддилари ҳамда ОАВ вакиллари иштирок этди.

Равшан Эрматов ампутантлар терма жамоамизни ЎФА президенти Абдусалом Азизов, Спортни ривожлантириш вазири Адҳам Икрамов, қолаверса, бутун футбол жамоатчилиги номидан Жаҳон чемпионатидаги муносиб иштирок билан табриклади. Ушбу натижанинг ортида улкан ирода ва матонат турганини айтиб, бу футболчилар халқимизни меҳрини қозонгани, ёшларимизга эса ҳақиқий намуна ва ўрнак бўлганини таъкидлаб ўтди. Ватан шаъни ва обрў-эътиборини қандай ҳимоя қилиш кераклигини яна бир бор барчага намойиш қилганини эътироф этди. 


Учрашув давомида вазир ўринбосари Шаҳрулло Маҳмудов жамоанинг мундиалда қайд этган натижаларига тўхталиб, мусобақа давомида жамоамиз Колумбия, Италия, Испания каби жамоаларни мағлуб этилганини алоҳида таъкидлаб ўтди. Шунингдек, Спортни ривожлантириш вазирининг маслаҳатчиси Аваз Каримов жамоанинг кўрсатган ўйини таҳсинга сазовор эканлигини айтиб, футболчиларни самимий табриклади. 



Жамоамизнинг кейинги мусобақаларда янада юқори натижалар қайд этишига ишонч билдирилди. Бундан ташқари, фаолиятини мураббий сифатида давом эттириш истагида бўлган терма жамоа вакилларига ЎФА томонидан мураббийлик курсларида бепул ўқиш имконияти тақдим этилиши маълум қилинди. Юртимизда ўтказиладиган йирик мусобақалар доирасидаги учрашувларни томоша қилиш учун жамоа аъзоларига махсус жойлар ажратилиб, бошқа терма жамоалар билан тажриба алмашинуви йўлга қўйилади. 



Ўз навбатида, жамоа номидан терма жамоа бош мураббийи Рустам Меҳмонов ўз фикрларини билдириб ўтди ва самимий қутловлар учун миннатдорчилик билдирди. Учрашув якунида Ўзбекистон ампутанлар терма жамоасининг 3 нафар фахрий аъзосига “Ўзбек футболи ривожига қўшган ҳиссаси учун” кўкрак нишони тақдим этилди. Тадбир якунида терма жамоанинг барча аъзолари ЎФА белгиси ва пул мукофотлари билан тақдирландилар.

Рейтинг: +16   

Фикрлар

championat.asia
< сўнгги янгиликларни кўриш
Яндекс.Метрика