UZ

Сўнгги янгиликлар

01:55"Челси" "Бетис"ни йирик ҳисобда мағлуб қилиб, Конференциялар лигасида ғолиб чиқди!  30 01:45U21 биринчилиги. "Сўғдиёна" "Бухоро"ни, "Навбаҳор" "Қўқон-1912"ни йирик ҳисобда мағлуб қилди ва бошқа натижалар (ЖАДВАЛ)  1 01:01Килиан Мбаппе "Реал"даги биринчи мавсумини баҳолади  4 23:31Ўзбекистон U-23 терма жамоаси Францияга қарши ўйин олдидан йиғинларни бошлади  1 22:47“CAFA U-17 Championship 2025”. Ўзбекистон ўсмирлари Эронга қарши фантастик камбэк қайд этиб, финалга йўл олишди!  10 22:24Ямал "Барса" сафида 2031 йилгача ўйнайди! Супер юлдузнинг янги шартномаси ҳақида (мутолаа учун)  8 21:49"Барселона" Рэшфордни ўз таркибига қўшиб олишни истамоқда. Футболчи ҳам рози  2 21:25Лаутаро Мартинес "Барселона"га қарши жароҳат билан ўйнаганини айтиб берди  2 21:02Миллий терма жамоа Жаҳон чемпионати йўлидаги охирги йиғинни бошлади  6 20:42"Ман Юнайтед" Малайзиядаги йиғинда Жануби-Шарқий Осиё юлдузлар жамоасига ютқазди  2 20:20Марадона мухлислари футболчининг ўлимида айбланаётган шифокорга ҳужум қилишди  3 20:05Ўзбекистон миллий терма жамоасининг бугунги машғулотидан ГАЛЕРЕЯ   6 19:45Игорь Сергеев: "Астойдил тайёрланамиз ва шунга монанд жанг қиламиз"  27 19:35Ислом Тўхтахўжаев: "БААдан байрамона кайфиятда қайтиш насиб қилсин"  12 19:25Францияга қарши ўйнайдиган Ўзбекистон U-23 терма жамоасининг бугунги машғулотидан ГАЛЕРЕЯ  1

Жаъфар Ирисметов: "Футболчилар олингани чемпионликни англатмайди" Янгиликлар

Жаъфар Ирисметов: "Футболчилар олингани чемпионликни англатмайди"

Янги мавсумга юқори мақсадларни кўзлаган "Нефтчи" энди нафақат таркибда, балки раҳбариятда ҳам ўзгаришларни амалга оширди.

Тажрибали мутахассис Жаъфар Ирисметов Фарғона клубида бош менежер сифатида иш бошлади. Биз бу борада Жаъфар Ирисметовнинг фикрлари билан қизиқдик.


- "Пахтакор"ни тарк этганингиздан сўнг катта футболга яъни иш жараёнига қайтдингиз. Бу пайт ичида сизда "Нефтчи", "Бунёдкор"дан таклифлар бўлди. Нима учун бу ўтишлар аввалроқ амалга ошмади, қандай омиллар тўсқинлик қилаётганди?

- "Пахтакор"ни тарк этганимдан сўнг бироз дам олдим. 5 йил давомида клуб билан анча ютуқларга эришдик. Бир йилдан сўнг кўп жамоалардан таклифлар бўлди. Айрим сабабларга кўра келиша олмадик. Қаердадир қарашларимиз тўғри келмади. Мана "Нефтчи"да иш бошладик, ўйлайманки яхши жамоа тузган ҳолда муносиб натижалар кўрсата оламиз. 

- Умуман клубдаги вазият, ўзингизни талабларингизга мос шароит барчаси тўғри келдими?

- "Нефтчи"дан 2 йил аввал ҳам таклиф бўлган эди. Айрим омиллар ҳисобига ишлашимиз насиб қилмаган экан. Клубда қилинадиган ишлар кўп. Секин-аста камчиликларни бартараф этамиз. Олдимизга қўйилган мақсад икки йил ичида яхши натижа қайд этиб, ёшларга эътибор бериш. Умуман олганда ҳар томонлама тайёр чемпион жамоани шакллантиришимиз керак. 

- Ишни эса таркибни кучайтиришдан бошлаб юбордингиз. Таркибни йиғишда нималар кўпроқ эътиборга олинмоқда? Яна кучайиш  жараёни давом этадими?

- Виталий Левченконинг ўйин услубидан келиб чиқиб таркибни шакллантиряпмиз. Барибир у бош мураббий. Дейлик ҳар бир мураббий ўзига мос футболчи олишни истайди. "Нефтчи"да аввалги йилларда ҳимоя чизиғи доим кучли бўлган, ҳужумда эса аксинча муаммолар кўп кузатилган. Бу позицияга Тома Табатадзе, Зоран Марушич каби футболчилар жалб қилинди. Жамоани кучайтириш учун максимал ҳаракат қиламиз.

-  Олдинда яна қандай ўзгаришлар, қилинадиган ишлар кутилмоқда? Спорт директори сифатида "Пахтакор"да чемпионликни кўлга киритгансиз. "Нефтчи"да янги мавсумда амбициялар қандай бўлади?

- Ҳозир фақат танишиш жараёни кетмоқда. Инфратузилма билан танишиб чиқмоқдаман. Ёшлар, ўринбосарлар жамоаларига алоҳида эътибор қаратилиши зарур. Бу жамоалардан қаттиқ селекция олиб борилади. Икки йил ичида уларни "Нефтчи" бош жамоасига жалб қилиш вазифаларимиздан бири ҳисобланади. Бир йил ичида қиламиз дейиш нотўғри. Ҳозирги вақтда "Нефтчи" чемпионлик учун курашади. Шу боис бу жараён бироз қийинроқ кечади. 

-  Ташкилий томондан "Нефтчи"ни муаммолар кўп қийнаб келган, қарздорлик, легионерлар билан шартномалардаги муаммолар ва ҳоказо. Бу ишлар ҳам тартибга солинадими?

- Бу ишларни тартибга солмасак бўлмайди. Чемпионлик учун курашадиган жамоада камчилик, майда детал қолиб кетмаслиги керак. Бирданига бартараф этиш осон иш эмас. Биз ҳам биттада амалга ошишини истаймиз. Лекин иш жараёнида ҳар бир муаммони ечимини топишга ҳаракат қиламиз. Кичик муаммоларни энди ўрганишни бошладим. 1-2 кунда битадиган иш эмас. Ҳар бир нарса соат механизими каби ишласагина чемпионлик ҳақида гапиришимиз мумкин. Футболчиларни олди дегани чемпионликни англатмайди. Ташкилий ишларни тўғри йўлга қўйиш, футболчилар билан муаммоларни ечиш орқали кучли жамоа шакллантирамиз, раҳбариятимиз катта эътибор бераётганини таъкидламоқчиман. Бу омил яъни раҳбарнинг футболга қизиқиши ҳам кўп нарсаларга таъсир қилади.

Муаллиф : Iskandarov Abdulaziz
Рейтинг: +5   

Фикрлар

championat.asia
< сўнгги янгиликларни кўриш
Яндекс.Метрика